nov-pocetok-kako-moznost-za-prodolzuvanje-so-starite-naviki
Споделете со пријателите!

Хороскоп за 2ра недела: Почетокот е секогаш тежок, а оваа недела ќе биде особено тешка за Овенот, Бикот ќе има главоболки, Близнакот и Лавот, како и секогаш, ќе се однесуваат неодговорно кон себе и кон другите, Вагата ќе пука од здравје а Рибите ќе постигнат идеална тежина.

.

Овен

Јануари е понеделник во годината, исто како што вашиот знак е понеделник во знаците. А никој не сака понеделници. И покрај тоа што луѓето нема да ви бидат наклонети, вашата суетност ќе ве заштити од сите, оставајќи ви простор да си се подготвите за зимскиот одмор што долго го очекувате.

 

Бик

Иако сте еден од знаците со најголема глава, сепак не ја користите многу за мислење, туку исклучиво за удирање од ѕид. Заради главоболката ќе прилегнете на кауч и цела недела ќе бидете во зимски сон. Ќе се разбудите со чувство на незапирлив глад, впрочем како и секогаш.

 

Близнаци

Ќе одржувате вита става бидејќи ќе се храните со љубовта која што ќе ја добивате од оние околу вас. Ќе бидете среќни и себични, впрочем како секогаш. Периодов ви е идеален за да ги дознаете сите нови озборувања, тие се вашата вистинска душевна храна.

 

Рак

Обидете се сите добри совети што им ги давате на другите, да ги примените врз себе. Вртењето во место е добро само ако сте на статичен велосипед. Пробајте да имате нешто што се вика социјален живот. Забавно е и добро за здравјето. 

 

Лав

Вашиот хороскопски знак не може веќе да го носи товарот на вашата неодговорност. Постојано велите дека вие сте лав, едноставно такви и никој не може да ве промени. Престанете да се однесувате себично и барем еднаш преземете одговорност за своите постапки.

 

Девица

Љубовта е во воздухот, но вие носите маска против загадувањето па вам ќе ве прескокне ова чувство неделава. Вашите заложби за здрав живот ве истоштуваат и не ви оставаат многу време за живеење и за правење забавни работи.

 

Вага

Смеењето ве прави поубави а освен тоа вие знаете дека смеата го продолжува животот. Смислата за хумор ќе ви биде добредојдена, а периодов тој ќе биде најмногу на ваша сметка. И покрај сè вие ќе продолжите да ја покажувате вашата совршена насмевка, бидејќи смеата го зајакнува имунитетот.

 

Шкорпија

Воздржете се од давање забелешки кон вашите пријатели ако сакате да имате друштво за време на зимскиот одмор. Обидете се да направите детоксикација со тоа што ќе се ослободите од сета лутина што ја собирате низ годиниве.

 

Стрелец

Резултатите од празниците ќе ги гледате во огледало. Вашиот авантуристички дух ве натера да пробате навистина необични комбинации на храна за време на празничните трпези. Кој рече дека риба не одговара со баклава?

 

Јарец

Иако Сонцето е во вашиот знак, тоа е подеднакво ладно како зимските температури надвор. Сепак ќе ви годи вниманието што ќе го добивате, а наклонетоста од блиските ќе успеете да ја балансирате со вашите цинички забелешки. Симптоми на грип ќе ви предизвикуваат единствено вашите депресивни мисли.

 

Водолија

Вашиот непредвидлив карактер ќе ве остави сами но вие никогаш нема да се чувствувате осамени. Најверојатно некои од вас ќе пробаат некој екстремен спорт за да им помине времето, додека други ќе водат боемски живот низ светските метрополи. Здравјето никогаш не ви било важно, бидејќи за вас телото е кафез за душата.

 

Риби

Бегањето од проблемите ви гарантира идеална тежина. Одморот планирате да го поминете во спиење со цел да си отсонувате подобар живот. Но сепак за работите да станат подобри не треба спиење туку работа.

Прочитајте:  Какви парфеми преферираат Хороскопските знаци

Споделете со пријателите!