Не ги оставајте заспаните деца во автомобилот во ниеден случај, дури ни за кратко
Многу од овие деца биле ненамерно заборавени од страна на возрасните. 29% од случаите децата играле во автомобилите без надзор и случајно се заклучиле внатре. 17% биле оставени намерно од страна на старателот. Експертите велат дека оваа навика возрасните не треба воопшто да ја применуваат, без разлика колку брзо планираат да се вратат по своето дете. Следете ги сите мерки за заштита за време на летото. Децата никогаш не ги оставајте сами без надзор или секогаш носете ги со вас. Исто така, децата оставени сами дури и за кратко се под поголем ризик од можноста да се самоповредат.
Малите деца многу брзо дехидрираат и страдаат од топлината, бидејки внатрешниот терморегулационен систем сè уште не им е доволно развиен.
„Децата никогаш не треба да бидат оставани сами без надзор во автомобил“ – изјавува за CBS News д-р Мери Торп (Mary Thorpe), клинички соработник за трауматична хирургија и научен соработник во Детската болница во Бостон.
Доколку забележите дете оставено во автомобил – реагирајте. Во краен случај повикајте брза помош за му се помогне на детето.
Особено за време на летните месеци, моторните возила може да се вжештат многу брзо, достигнувајќи опасно високи температури, а со тоа и средина опасна по живот. „За само 10 минути, температурата може да се зголеми и за 19 степени“ истакнува д-р Торп.
Возилата се вжештуваат дури и кога прозорците се оставени отворени.
Додека секој е под голема опасност во такви услови, децата се особено ранлива категорија. „Телата на децата се помали отколку на возрасните и ги немаат истите регулаторни механизми“ – вели д-р Торп.
Откако телесната температура кај децата ќе достигне до 40º С, кај нив можат да започнат симптомите на топлотен удар: вртоглавици, дезориентација, збунетост, црвена кожа итн. Само неколку степени повеќе може да доведат до прекинување на работата на некои главни органи, што доведува до смрт.
„Топлотниот удар е многу ризичен за децата бидејќи нивните тела многу лесно се прегреваат – три до пет пати побрзо отколку кај возрасните“ изјави Марк Роускајнд (Mark Rosekind), администратор во Националната администрација за безбедност во сообраќајот на автопатите. „За време на дневните температури од 26 степени, во возилата може температурата да достигне до смртоносни граници за само 10 минути. Децата се изложени на ризик дури и кога надвор не е топло. Топлотен удар може да се случи во возило дури и кога надвор температурите изнесуваат 14ºС“, информира Роускајнд.
„Може да се елиминираат повеќе од три четвртини од ваквите случаи едноставно со обрнување на поголемо внимание. Многу од приказните за трагедии од топлотен удар во автомобил, доаѓаат од внимателните и грижливи родители кои во моментите на замор и расеаност, едноставно заборавиле дека нивното дете е на задното седиште“, истакнува Роускајнд.
