zdravstveni-pridobivki-od-jadenje-dinja
Споделете со пријателите!

Дињата е одличен извор на електролити, растителни влакна, витамини како А и Ц, Б6, Б3 и Б1, но и витамин К и останати минерали како железо и калциум. Според нутриционистите класифицирана е во категоријата „А“ според својата нутритивна вредност
Свежо исечена и изладена диња, покрај лубеницата, во летните пеколни денови претставува идеален избор за хидратација на организмот, за освежување, разладување и дава чувство на ситост поради растителните влакна. Во елитните ресторани топчиња диња се сервираат како апетизери, бидејќи го поттикнува дигестивниот тракт. Дињата е здрав десерт, бидејќи не влијае негативно на шеќерот во крвта.

1. Дињата е нискокалорична

Наместо да се разладувате и „освежувате“ со висококалоричен сладолед, поздраво и поевтино е да изладите диња со која ќе ја задоволите потребата за благо, но и потребата за нешто студено кога надвор температурите го надминуваат 40ºС. Порција од 5 чашки лубеница има калоричен еквивалент на 2 пржени јајца и 2 парчиња интегрален тост. Сепак, за разлика од нив дињата има 3 грама повеќе заситувачки влакна и 10 грама помалку мрснотии. Постојат разлики во нутритивната вредност кај различни сорти на диња, но во просек една резанка (1/8 од пресечна диња) со големина од 70 грама има само 23 калории!

И покрај тоа што некои сметаат дека лоша страна на дињата е високото ниво на шеќер, овошниот шеќер фруктоза не може да ви наштети како белиот рафиниран шеќер во сладоледот.

2. Нутритивна бомба

Според нутриционистите класифицирана е во категоријата „А“ според својата нутритивна вредност и здравствените придобивки. Дињата има високо ниво на протеини, кое може да се спореди со едно јајце само без холестеролот. Дињата е одличен извор на електролити, растителни влакна, витамини како А и Ц, Б6, Б3 и Б1, но и витамин К и останати минерали како железо. Дињата е една од овошјата богати со калциум.

Една просечна диња од половина килограм има само 3% масти од дневно препорачаниот внес според диетата од 2.000 калории, од кои заситени масти се 0,312 грама полинезаситени се 0,312 грама, мононезаситени = 0. Во истата порција содржани се натриум – 87 милиграми (3% од дневно препорачаниот внес), калиум – 1474 mg (44% од дневно препорачаниот внес), јаглехидрати – 44.908 gr (16% од дневно препорачаниот внес), растителни влакна 4,99 gr (19% од дневно препорачаниот внес), шеќери (фруктоза) – 43,349, протеини – 4,678 грама, витамин А – 374%, витамин Ц – 337%, калциум 6% и железо 6%.  Дињата исто така е одличен извор на бакар – 8% во 160 грама, фолат 8% во 160 грама и магнезиум 5% во 160 грама.

Прочитајте:  Придобивките од растителните влакна од багремот

3. Заситува

zdravstveni-pridobivki-od-jadenje-dinja-1Количеството на растителни влакна во една просечна диња дава 1/4 од препорачаниот дневен внес. Но, ова не е единствената причина којашто ја прави дињата да дава чувство на ситост. Исто како животните, ние сме создадени на тој начин да консумираме храна се` додека не го добиеме оптималното количество на нутритивни состојки кои му се потребни на телото. Поради тоа што дињата е нутритивна бомба, многу брзо телото се задоволува со голема количина од потребните состојки.

4. Лесно сварлива

Дињата се наоѓа на листите на лесно сварливи храни. Дињата се вари во желудникот во рок од 15-30 минути и ова се смета за едно од најлесно и најбрзо сварливите цели прехранбени производи. Помеѓу 4 часот наутро сè до 12 часот на пладне, телото е во процес на детоксикација. Ова е многу важно за слабеењето.

Варењето на храната бара енергија, па јадењето на нешто кое е лесно сварливо на телото му овозможува да ја посвети енергијата на детоксикација.

За да се избегнат проблемите со варењето на храната се препорачува дињата да не се меша во исто време со други производи и други овошни плодови, а уште подобро е доколку ја јадете на празен желудник. Кога се комбинираат јадења кои во телото се преработуваат со различни брзини – резултатот е делумно сварена храна натрупана во дигестивниот систем и неможност за максимално црпење на сите нутритивни состојки од дињата.

5. Одличен избор за хидратација и антиоксиданси

Дињата според нутритивните листи за плодови богати со вода, секогаш е во највисоките редови. Телото не може да функционира правилно без вода, особено во лето. Дињата е одличен избор за хидратација. На прво место се лубеницата и јагодите, а веднаш по нив доаѓа дињата со своите 90% вода. Таа исто така претставува извор на умерено количество електролити, како што е калиумот. Овој електролит е важен дел од течностите на клетките и помага во одржување на срцевиот ритам и крвниот притисок. Заштитува од мозочен удар и срцеви болести.

Дињата содржи антиоксиданси како бета-каротен – beta-carotene, лутеин – lutein, зеа-ксантин – zea-xanthin и криптоксантин – cryptoxanthin. Антиоксидансите ги заштитуваат клетките од слободните радикали.


Споделете со пријателите!