Храната игра битна улога во продолжување на животниот век
Јадењето здрава храна го заситува организмот со многу хранливи материи и состојки кои се потребни за негово правилно функционирање. Здравата храна исто така ни дава енергија и ги зајакнува нашите витални органи. Преку правилното користење на храната можеме да се ослободиме од стресот и одредени хронични заболувања, како и да се ослoбодиме од вишокот килограми и да ја одржиме на стабилно ниво нашата телесна тежина.
Преку здравата храна се внесуваат многу витамини, минерали, јаглехидрати, растителни влакна и антиоксиданти кои овозможуваат нашиот организам да остане здрав и да се бори против разни заболувања, како срцевите заболувања, мозочни заболувања, дијабетес, леукемија, разни видови канцер итн.
За спречување на срцеви и мозочни заболувања треба да се јаде риба која содржи селен, калиум и магнезиум, но и омега3- масни киселини и витамин Б кои го штитат срцето и мозокот и ја подобруваат нивната работа. Рибата посебно туната спречува и разни форми на канцер, како што се рак на панкреасот, на дебелото црево и рак на дојката. Исто така го намалува и ризикот од леукемија. За заштита од мозочен удар треба да се конзумираат и јајца кои се најголем извор на супстанцата холин, кој ја подобрува и меморијата кај луѓето. И рибизлите имаат заштитно својство од мозочен удар. Тие ги штитат мозочните клетки. Тиквата содржи повеќе растителни влакна и помалку калории. Сокот од тиквата е богат со бета-керотин и витамин Е, супстанции кои го намалуваат ризикот од астма и други заболувања – од рак до срцеви заболувања.
Една чаша сок од калинка на ден помага во борбата против слободните радикали и го спречува таложењето на лошиот холестерол на ѕидовите на артериите.
Житото, јачменот, овесот и оризот се членови од фамилијата житарки. Тие се познати како важен дел за правилно функционирање на дигестивниот систем и за здраво срце, но исто така го регулираат нивото на гликоза во крвта. Зелката е многу богата со хранливи материи и штити од разни заболувања. Таа е богата со витамин Ц, фолати, железо, магнезиум, бета-каротин и фитохемикалии. Благите компири се многу хранливи, тие се добар извор на растителни влакна, јаглехидрати, витамин А, Ц, па дури и минерали како што е манганот и бакарот. Нормално не се може без лукот за кој некои експерти сметаат дека е најмоќен борец против болестите. Тој првенствено штити од бактериите кои го напаѓаат човековиот организам, но исто така е многу корисен и во намалување на холестеролот и крвниот притисок.
