Споделете со пријателите!

Општопознато е дека витаминот Ц има бројни здравствени придобивки, но науката отиде подалеку и откри дека внесувањето на соодветно количество од овој витамин може да ви го продолжи животот
Ц Витаминот, односно аскорбинска киселина или аскорбат, претставува есенцијална нутритивна состојка за луѓето и за одредени други животински видови. Аскорбинската киселина претставува слаба шеќерна киселина структурно поврзана со гликозата. Аскорбатот и аскорбинската киселина се природно присутни во телото и кога едната од нив ќе навлезе во клетките тие се видоизменуваат согласно pH вредноста. Аскорбатот е потребен за огромна низа од есенцијални метаболични реакции кај речиси сите животни и растенија, со исклучок на одредени видови.

Витаминот Ц е кофактор во голем број ензимски реакции, вклучувајќи ги и неколкуте реакции на колагенска синтеза, кои кога се во дисфункција ја предизвикуваат, во своите најтешките симптоми, болеста скорбут.

Скорбут претставува целосен недостаток на витаминот Ц во организмот. Оваа болест најчесто се манифестира со крвавење на непцата.

Витаминот Ц е круцијален за здравјето на човекот и дел од неговите бенефити се: помага при заздравувањето на раните, при продукцијата на колаген, во одржување на крвните садови во добро здравје, па дури влијае и врз расположението, велат експертите за здрав живот. Витаминот Ц има и бројни други придобивки за човечкото здравје, но според новите откритија, најважно за овој витамин е тоа што може да ни помогне да живееме подолго и да бидеме помлади и тоа не само поради фактот што витаминот Ц ги намалува брчките и ја разубавува кожата.

vitaminot-c-go-prodolzuva-zivotot_2Една нова студија објавена во „American Journal of Clinical Nutrition“ откри дека луѓето кои јаделе повеќе овошје и зеленчук се изложени на 15% помал ризик од развој на срцеви болести, но и за 20% помал ризик од прерана смрт. Ова истражување покажа дека сите оние испитаници кои во својата крв имале најголеми количества од овој витамин, биле најмалку загрозени од развој на срцеви заболувања или од прерана смрт.

Истражувањето ги разгледа претходно собраните здравствени податоци од 100 илјади Данци. Во тие податоци вклучени биле и информациите за количеството и видот на храна што тие го консумираат, како и нивното ДНК. Авторот на студијата Д-р Борџ Нордисгард – Børge Nordestgaard, кој е доктор и професор по клиничка медицина при Универзитетот во Копенхаген – University of Copenhagen во интервју за Yahoo Health изјавува дека поврзаноста на витаминот Ц со овие ново-отркриени факти лежи во антиоксидативните ефекти на овој витамин, кои ги заштитуваат нашите клетки од оштетување.

Прочитајте:  Рецепт кој освежува - Суфле од лимон [ВИДЕО]

„Може да согледаме дека луѓето кои најмногу консумирале овошје и зеленчук имаат за 15% помал ризик од развој на кардиоваскуларни болести и 20% помал ризик од рана смрт, во споредба со оние кои многу ретко јаделе овошје и зеленчук.“ – објаснува д-р Камила Кобилецки – Camilla Kobylecki од истиот универзитет. „Истовремено може да видиме дека редуцираниот ризик е поврзан со високи нивоа на витамин Ц од зеленчуци и овошја во крвта“ – вели таа.

[interaction id=”563216babece044e1466bc82″]

„Витаминот Ц може да го земате од суплементи, но многу подобро е доколку се снабдувате со витамин Ц од здрава диета, која истовремено ќе ви помогне да развиете поздрав животен стил на подолг период, за генерално подобрување на целокупното здравје“ – истакнува Д-р Борџ.

Лиценцираниот нутриционист Бет Ворен – Beth Warren, автор на книгата „Живеење на вистински живот со вистинска храна“ – Living a Real Life with Real Food, воопшто не е шокиран од ова откритие, бидејќи витаминот Ц помага во заштитата од оксидативните оштетувања и регенерација на редуцираната форма на витаминот Е.

Едно друго истражување објавено минатата година во зборникот „Science Transitional Medicine“ покажа дека витаминот Ц може да помогне во намалување на негативните ефекти од хемотерапијата.

Сепак, експертот по нутриционизам Karen Ansel вели дека сè уште не треба да брзаме да се преоптоваруваме со витамин Ц, бидејќи според неа студијата не докажува дека витаминот Ц е одговорен за намалувањето на ризикот од срцеви болести и прерана смрт, туку само ја покажува поврзаноста. Д-р Нордестгард и неговиот научен тим продолжуваат да истражуваат кои други фактори во комбинација со витаминот Ц, имаат влијание врз намалената појава на кардиоваскуларни заболувања и смрт.

Следната недела читајте за: Придобивки од витамин Ц


Споделете со пријателите!