zajaknuvanje-na-imunitetot-na-priroden-nachin-imperativ-za-site-nas_image
Споделете со пријателите!

Механизмот, со задача да го одбрани организмот од штетни влијанија се нарекува имунолошки систем
Човековиот организам е во постојан контакт со бактерии, вируси и хемикалии и е изложен на зрачења и загадувања од различна природа. Механизмот, кој има задача да го одбрани организмот од овие штетни влијанија се нарекува имунолошки систем. Имунолошкиот систем е формиран од органи и клетки дистрибуирани низ целото тело, чија главна улога е заштита на организмот, препознавање на „непријателот“, како и неутрализиција/отстранување на штетните надворешни влијанија. „Непријателите“ од околината постојано го напаѓаат нашето тело и ја нарушуваат хомеостазата. Нарушувањето на хомеостазата на имуниот систем се манифестира различно, така што тој може да реагира прекумерно кон антигените, да не реагира доволно (имунодефициенција) или да реагира кон сопствените протеини (автоимуни болести).

Имунолошкиот (одбранбениот) систем кај човекот функционира, односно дејствува преку два система и тоа: вроден имунолошки систем (неспецифичен) и стекнат/адаптивен имунолошки систем (специфичен). Бројни прочинители можат да го ослабат функционирањето на овој систем, како што се: стрес, исцрпеност и хроничен замор, несоодветен начин на исхрана со намален внес на хранливи материи, витамини, минерали и антиоксиданси, лошо расположение, нехигиена, како и животниот стил со недоволна физичка активност, долги и тешки болести, пушење и други штетни навики.

Едноставни и природни начини да го зајакнете вашиот имунитет – спијте доволно и намалете го стресот, избегнувајте конзумирање на алкохол и цигари, конзумирајте многу зеленчук, овошје, јаткасти плодови и семиња, излезете на сонце (сончевите зраци го овозможуваат создавањето на витаминот Д во кожата, а ниското ниво на Витамин Д го зголемува ризикот од респираторни инфекции, грип и настинка),практикувајте редовна физичка активност и слично.

Се проценува дека 70 – 80% од човековиот имунолошки систем, се наоѓа во цревата и поради тоа е значајно одржување на нормална и здрава цревна микрофлора. Пробиотиците играат клучна улога во тој процес, па така, поради тоа што мал број на хранливи намирници содржат пробиотици, истите се надополнуваат преку препарати како додатоци во исхраната. Тие го стимулираат имунолошкиот систем, а со тоа и продукцијата на антитела (IgA) кои се носители на одбранбената способност на организмот. Исто така, го намалуваат ризикот од гастроинтестинални и респираторни инфекции, а со тоа го намалуваат и времетраењето на инфекциите. Еден таков сој на пробиотски бактерии, кој што има клучна улога е Bacillus subtilis I-2745 (L. acidophilus LA3, B. animalis ssp. lactis BLC1, L. casei BGP93), патентиран и клинички докажан во зајакнување на имунтитет от и зголемување на одбранбената способност на огранизмот. Ако дигестивниот тракт не работи правилно, ќе дојде до намалена апсорпција на хранливи материи што тоа ќе влијае на целокупното здравје, па така, од витално значење е одржување на здрава цревна микрофлора за да имате силен имунолошки систем.

Прочитајте:  Гастроинтестиналниот микробиом - лична карта на секоја индивидуа

„Стимулиран имунолошкиот систем спречува влез на патогени и вируси во клетките и настанување на понатамошна инфекцијa“

Исто така, за нормално фунцкионирање на имунолошкиот систем е важно и внесување на витамин Ц (кој што воедно придонесува за намалување на замор и исцрпеност) и цинк (кој е значаен и за правилно функционирање на нервниот систем), како антиоксиданси кои што ги штитат клетките од оксидативен стрес и трајни оштетувања и заедно со пробиотиците, се значајни во производство на антитела, како составен дел од структурата и процесите на Б и Т лимфоцитите.

Така стимулиран, имунолошкиот систем спречува влез на патогени и вируси во клетките и настанување на инфекцијa, но и помага во регулирање на микрофлората во системот за варење. Имунитетот не е важен само за борбата со вирусните инфекции и другите заболувања, туку е доста значаен и општо, за квалитетот на животот односно колку често ќе бидеме болни, како ќе се чувствуваме, какви последици ќе имаме по заболувањата итн.

М-р Фарм. Љупчо Јанковски

PharmaS_ProBalans_IMUNO_700x90


Споделете со пријателите!