Улогата на имунолошкиот систем е да го заштити организмот од патогени бактерии и вируси
Пролетта е можеби најубавото годишно време, но со себе носи и многу ризици за појава на вирусни инфекции и алергиски реакции. Силниот имунолошки систем е најдобриот начин да се одбраниме од нападот на вирози, чија појава е доста честа напролет. Здравата исхрана пак, е клучна за зајакнување на исцрпениот имунитет и за подобрување на способноста на телото да се бори против инфекциите.
Улогата на имунолошкиот систем е да го заштити организмот од патогени бактерии и вируси. Повеќето бактерии која го напаѓаат организмот може да предизвикаат инфекција, но доколку имаме јак имунитет, тој ќе се одбрани од ваквите напади. Има многу причини поради кои имунолошкиот систем слабее, а една од нив е и лошата исхрана. На пример, внесувањето на прекумерни количини храна богата со шеќер е штетно за организмот затоа што шеќерот ја намалува способноста на белите крвни клетки да се борат против патогените организми. Дехидратацијата исто така негативно влијае, затоа што недостатокот од течности предизвикува грчеви во мускулите и вртоглавици. И сонот е од суштинско значење бидејќи во текот на спиењето, имунолошкиот систем се регенерира и ако не го добиеме потребниот сон, тој потешко ќе се бори со болеста.
Внесувањето на природни имуностимуланси значително може да го зајакне нашиот имунолошки систем преку директна стимулација на продукцијата на антитела кои се главните носители на одбраната на нашиот организам. Ако се има во предвид фактот дека тие во најголем дел се создаваат во дигестивниот систем и за тоа се одговорни пробиотиците, тогаш препорачлива e подолготрајна употреба на пробиотски препарати како имуностимуланси. Од многуте пробиотски култури кои го населуваат нашето тело најзначајни се пред се неколку чија улога е и најмногу испитана (B.subtilis I-2745, L. acidophilus LA3, B. animalis ssp. lactis BLC1, L. casei BGP93). За жал, мал е бројот на хранливи намирници кои содржат пробиотици, но за среќа денес постојат препарати (додатоци во исхрана) кои се комбинација токму од овие пробиотски култури.Овде би го истакнале значењето на една од нив. Bacillus subtilis – специфичен сој на пробиотски бактерии, патентиран и клинички испитан (регистриран e во Француската национална збирка на микроорганизми (CNCM) под број I -2745. Toj ја засилува нашата природна одбрана и помага во борбата против инфекции. Интересно е што организмот по неговото внесување го препознава како антиген и во дигестивниот систем се врши негово разградување. Но, токму тој процес предизвикува ослободување на медијатори на имунолошката реакција (интерлеукини) кои поттикнуваат диференцијација на Б-лимфоцити во плазма клетки кои создаваат антитела (имуноглобулини). Така стимулиран имунолошкиот систем спречува влез на патогени и вируси во клетките и настанување на инфекција. Значително е намален ризикот пред се на респираторни и дигестивни инфекции. Се одликува со голема стабилност и способност за преживување на нискиот pH (кисела средина) кој владее во гастроинтестиналниот тракт. Овие пробиотици се комбинираат и со другите засилувачи на имунитетот, како што се витаминот Ц, Д, цинк и други.
Д-р Аниф Куртиши
