veganski-mafini_image
Споделете со пријателите!

Мафини без масло, путер и јајца
Доколку сте во потрага по здрава замена за слатко, престанете да барате, бидејќи имаме одличен рецепт за вас. Станува збор за мафини, кои што се супер вкусни, а најдоброто од сè, е дека сите состојки се здрави и имаат малку калории. Во нив нема ни масло, ни путер, ни јајца. Дури нема ни шеќер! Најпрактичното во овој рецепт, се состои во тоа што ви нудиме едноставна (и посна) замена за јајца, која што може да ја користите и за други рецепти, за печени колачи и мафини, па дури и за палачинки. Посната замена за јајца се прави едноставно: со мелено ленено семе и вода. Најдобро е лененото семе да го сомелите во мелница за кафе, но доколку немате мелница, може да пробате и со блендер.

На 2 лажици мелено ленено семе, додадете 3 лажици вода. Измешајте ги двете состојки и оставете ги да стојат околу 5 – 10 минути. “Јајцето” за тоа време ќе се згусне. Зголемете ги количините на состојки во зависност од бројот на јајца што ви се потребни.

Во овој рецепт, исто така, се користи и брашно од овес. И брашното можете да го подготвите самите со тоа што ќе сомелите овесни снегулки во мелница или блендер. Ленено семе и овесни снегулки има во скоро сите супермаркети, во делот за здрава храна. Рецептот за мафините е адаптиран од тука. За мерење на состојките користете чаша од 250 мл. Се добиваат 11 мафини.

  • 3/4 чаша овесно брашно;
  • 2/3 чаша интегрално или обично брашно;
  • 1 лажиче прашок за печење;
  • 1 лажиче сода бикарбона;
  • 1 прстофат сол;
  • 1 чаша кокос.
Прочитајте:  Регионална мрежа за безбедност и квалитет на храната во Југоисточна Европа

Измешајте ги сите суви состојки во еден голем сад. Во помал сад, измешајте го течниот дел. Додајте го течниот дел во сувото тесто и измешајте ги убаво со лажица (миксер не е потребен). Во тавчето за мафини ставете хартиени чашки за мафини (без нив ќе мора да го измачкате тавчето со масло за да не ви се лепат). Може да користите и силиконски чашки. Ако немате тавче за мафини, можете да го печете тестото како колач, во широко тавче, за да не биде премногу високо колачето. За да не се лепи покријте го тавчето со хартија за печење. Печете ги на 180 степени, околу 25 минути. Уживајте!

* рецептите со во целост превземени од ситно сецкано


Споделете со пријателите!