Ќе се изненадите колку вкусно може да се готви со пиво
Доколу досега не сте готвеле со пиво, ви советуваме да го направите тоа, и ете ви шанса. Овие такос приготвени со пиво, се неверојатно вкусни. Тоа се должи на податокот дека маринирањето во пиво го прави пилешкото сочно, а однадвор слатко и карамелизирано. Најдобро е да употребите темно пиво, но не е проблем доколку не можете да најдете, тогаш слободно употребете светло.
- 3 пилешки гради;
- 2 лукчиња;
- пола лажиче оригано;
- сосем малку cayenne(црвена лута пипер) или чили зачин;
- малку масло;
- сол;
- 2 авокада;
- 1 лукче;
- сок од 1 зелен или обичен лимон;
- сол и бибер;
- тортиљи.
Исечете го пилешкото на ленти, и ставете го во длабока чинија да се маринира со пивото, лукчето исечено на тенки ливчиња, ориганото, чили зачинот, солта и малку масло. Оставете го да се маринира во фрижидер неколку часа или преку ноќ. Извадете го пилешкото и отстранете ја останатата течност. Потоа, пилешкото гответе го во тавче со малку масло на висока температура, додека не се зарумени и карамелизира. Во меѓувреме, изгмечете ги авокадата со едно лукче, додајде го сокот од лимон и малку сол и бибер. Овој рецепт совршено одговара во комбинација со мексиканската салата. Намачкајте малку од авокадо смесата врз тортиљите, ставете неколку парчиња пилешко, сервирајте ја салатата како додаток, и единствено нешто што можеби ќе ви биде потребно е чаша ладно пиво!
* рецептите со во целост превземени од ситно сецкано
