vazhnosta-od-ergonomijata-vo-domot_image
Споделете со пријателите!

Ергономијата не е важна само во работниот простор, туку и во домот
Начинот на кој луѓето живеат, значително влијае врз обликувањето на нивните домови. Бидејќи најголемиот дел од времето, скоро 90 проценти, го поминуваме во затворен простор, работејќи и одморајќи, сè што е во тој простор треба да ни служи нам, започнувајќи од мебелот, распоредот на просториите и изложеноста на природна светлина. Сè околу нас е важно, со цел да се одржи рамнотежата на биоритамот, односно да се зачува здравјето.

Домовите станаа „поздрави“, се внимава да се употребуваат еколошки материјали, а системите за греење и осветлување треба да бидат енергетско ефикасни.

Со брзиот начин на живот исполнет со многу обврски, слободното време е нужност и треба да се искористи колку што е можно поквалитетно. Воедно, тоа треба да биде соодветен сооднос на активно време и време за одмор и релаксација. Секој од нас, сака да се одмори во својот дом, поточно во дневната соба. Токму затоа, за максимална удобност и квалитетен одмор, треба да се посвети големо внимание на гарнитурата за седење.

„Изборот на гарнитура опфаќа: удобност, ергономија, функционалност, квалитет и дизајн

Пред сè, таа треба да е удобна, но да исполнува одредени услови. Постојат различни системи за седење, двоседи, троседи, фотелји, аголни гарнитури, а комбинацијата зависи од можностите на просторот како и од потребите на корисникот. Она што претставува норма за квалитетно живеење и избор на соодветна гарнитура подразбира: удобност, ергономија, функционалност, квалитет на изработка и материјал и дизајн.

Функционалност

Мултифункционалниот мебел е тренд кој е резултат од наметната потреба да се живее во помал простор. Така, се намалуваат и димензиите, па во трендовите за 2017 година, се нагласува дека не се модерни многу големи гарнитури. За мали станови, корисно е каучот во дневната да биде на развлекување, доколку недостига гостинска соба. Механизмот за развлекување треба да биде цврст. Сепак, ваквиот кауч на може да ги задоволи потребите за квалитетен сон за подолго време. Врз удобноста влијае и материјалот – кожа или ткаенина. При изборот на материјал треба да се земе во обзир начинот на одржување, издржливоста и трајноста. Кожата на пример, е атрактивна за око и за одржување, но во зима лади а во лето поттикнува потење.

Ергономичност

Ергономија е наука која се занимава со дизајн на производот на начин тој да биде колку што може подобро прилагоден на човековото тело. Слично на ергономијата во работниот простор, ергономијата во домот подразбира прилагодување на мебелот на оној што живее во него. Ергономијата на мебелот во домот станува сè поважна. Ергономски обликуваните дизајнерски столици и фотелји, не само што изгледаат убаво, тие го чуваат здравјето, ја намалуваат вкочанетоста и болките во половината. Ергономичната софа и столовите во домот, треба да ви овозможат удобно седење без притисок на грбот. Иако најпрво сите сме привлечени од изгледот, гарнитурата не треба само визуелно да се вклопува во просторот, туку треба да исполнува некои правила.

  • Гарнитурата не треба да биде премногу ниска, бидејќи на тој начин ги предизвикува колената да се виткаат помалку од препорачаниот агол од 90 степени;
  • Доколку пак гарнитурата е многу мека, дава чувство на тонење, што е убаво чувство на почеток, но всушност создава голем притисок вез колковите. Ваквите каучи особено не се погодни за повозрасната популација;
  • Длабочина на гарнитура. За оптимално правилно седење без дополнителни перници, длабочината на гарнитурата треба да биде 80 см, додека за оние подлабоките, од 90 до 100 см, потребна ви е потпора за да не бидете во полулежечка позиција. Воедно, длабоките гарнитури го затвораат просторот, па затоа не се препорачуваат за мали простори. Можноста да се регулира висината и наслонот е идеално решение.
Прочитајте:  Болест на движење или морска болест: Причини и симптоми

Квалитет на изработка и материјал

Конструкцијата треба да биде цврста и отпорна на механички оштетувања. Најдобар избор се оние изработени од тврдо дрво (јасен, даб, бука) и метал.

Дизајн

„Оваа година, во тренд се геометриски дизајни и едноставни чисти линии, додека пак индивидуалноста е секогаш во мода

Гарнитурата за седење претставува доминантен елемент во просторот наменет за одмор и релаксација на целото семејство, поточно дневната соба. Така, тој влијае врз стилската припадност на ентериерот во целост. Кога се размислува за уредување на ентериерот, многумина имаат погрешно мислење дека модерниот мебел не може да биде удобен и ергономски обликуван бидејќи се смета дека естетиката му е поважна од функционалноста. Оваа година, во тренд се геометриски дизајни и едноставни чисти линии, додека пак индивидуалноста е секогаш во мода. Трендовите се менуваат секоја година, но големите трендови коишто остануваат и ќе останат и понатаму се неразделно сврзани со здравјето и екологијата, новите технологии и индивидуализацијата.


Споделете со пријателите!