Направена студија која за првпат ја анализира сексуалната функција кај жените кои се соочуваат со болка при сексуален контакт и се лекуваат со габапентин
Често дискутирана тема е намалена сексуалнoста на мажите, но што се случува со женскиот свет. Женскиот свет исто така се справува со проблеми поврзани со сексуалниот живот. Тие може да страдаат од повеќе видови на сексуална дисфункција.
Во сексуални дисфункции спаѓаат:
- Намалена сексуална желба;
- Намалена сексуална возбуда – кога постои сексулна желба, но жената има потешкотии сексуално да се возбуди или да ја задржи возбудата во текот на сексуалниот чин;
- Проблеми да доживее оргазам – жената може да има постојани или повремени проблеми да доживее оргазам и покрај тоа што постои доволна сексуална возбуда и постојана стимулација;
- Болки за време на сексуалниот чин – диспареунија (dyspareunia) – кога жената чувствува болка за време на сексуалната стимулација или вагиналниот контакт.
Сексуалниот одговор претставува комплексна интеракција на физиологијата, емоциите, искуствата, убедувањата, начинот на живот и врските. Нарушувањето на која било од овие компоненти може да влијае на сексуалниот нагон, возбудата или задоволството. Кога станува збор за решавање на проблемот диспареунија и нејзиниот третман, направена е една студија која за првпат ја анализира сексуалната функција кај жените кои се соочуваат со болка при сексуален контакт и се лекуваат со габапентин. Тоа е објавено во American Journal of Obstetrics and Gynecology и покажува дека пациентките го подобриле својот сексуален живот благодарение на примена на орален лек кој се користи за третман на болка предизвикана од херпес инфекција или фибромијалгија.
Жените кои учествувале во студијата биле дијагностицирани со предизвикана вулводинија. Тоа е хроничен синдром кој се карактеризира со симптоми како печење, иритација и чешање при пенетрација во вагината. Болката обично се јавува при сексуален контакт или кога се зема брис, што може да доведе до сексуална дисфункција.
Претходните студии покажале дека габапентин ја намалува болката при фибромијалгија – хронично заболување кое вклучува продорни болки во различни делови на телото.
„Нашата теорија е дека намалувањето на мускулните болки во карличното дно може да ја редуцира и болката при вулводинија и така да ја подобри сексуалната функција“, коментира водечкиот автор на студијата Глорија Бакман од Институтот за женско здравје кон Rutgers Robert Wood Johnson Medical School. Истражувачите откриле дека 230 учесници во студијата имале помала болка и нивната сексуална желба, возбуда и задоволство се подобриле по земањето на лекот. Тие биле на просечна возраст од 37 години и повеќето од нив ги доживувале болните симптоми повеќе од 5 години. Покрај третманот, нивната сеопфатна сексуална функција останала пониска од онаа на жените без оваа болест. Истражувачите исто така откриле дека жените со потешки болки во мускулите реагираат подобро од оние кои се справувале со по малку изразени симптоми. Ова укажува дека габапентин треба да се зема од пациентки кои имаат значителна мускулна затегнатост и спазми во карличната област.
