Наутро додека одите под туш, запомнете дека позитивното мислење за себеси е најважната работа на светот
Развијте позитивна слика за себеси и за тоа како изгледате. Започнете уште од денес да ја зголемувате својата самодоверба.
Всушност, започнете уште утрово. Пред да влезете под туш, свртете се кон огледалото, спуштете ја крпата и добро погледнете се. Размислете, најверојатно никогаш не го правите ова, барем не го прават повеќето од нас. Често се замотуваме во крпа со изговор дека ни студи, но потсвесно тоа е страв од самите себе, дека всушност не сакаме да погледнеме, тврди психологот Сари Шипард (Sari Shepphird). Таа исто така посочува дека колку повеќе избегнуваме да се погледнеме голи во огледало, толку ни е потешко да се прифатиме и да се сакаме заради тоа што сме.
„На некој начин ние сме истренирани од страна на општеството да размислуваме дека секогаш треба да се подобруваме“ вели Шипард. Проблемот во ова е дека колку повеќе се фокусираме на недостатоците, тие толку повеќе се зголемуваат, па затоа ќе одбегнуваме да се гледаме во огледало.
Јавното мислење бавно се менува бидејќи е длабоко вкоренето во ставовите и се пренесува преку воспитување и начин на живеење. Позитивниот став кон сопственото тело долго време беше неповолен, особено во светот на модата. Несигурноста и незадоволството од себеси исто така му беше добредојдено на рекламите и рекламирањето на производи за слабеење и разубавување, кои долги години нè уверуваа дека нашиот изглед едноставно не е доволно добар. Конечно, во годината која што неодамна измина, овие ставови се променија. Модните дизајнери почнаат да ангажираат манекенки со поголеми конфекциски броеви и да вработуваат лица кои што ги немаат стандардните пропорции.
Конечно започна да се слави и цени човекот каков што е – различен и уникатен.
Позитивната слика за себеси се гради и се одржува цел живот, затоа спуштете ја крпата, убаво погледнете се и започнете да се сакате заради тоа што сте, без да се оптоварувате со тоа што треба да бидете.
