Уморни сте од вашите лабави протези, или сте решени да ја отстраните беззабоста
Милиони луѓе ширум светот имаат недостаток на заби, па затоа имаат потреба од протези. Исто така, многумина страдаат од своите лабави протези или протези кои не се идеално вклопени. Ако се соочувате со вакви или слични проблеми, сигурно добро знаете какво е чувството при испаѓање на протезите, неможноста да уживате или воопшто да не можете да ја консумирате вашата омилена храна, а да не споменуваме за сите оние компликации со лепилата за протези. Најважно е влијанието врз целото здравје, дигестивниот систем, постојаните воспалителни процеси во усната шуплина како и нагрдувањето на физиономијата на лицето поради загубата на коска.
Што е TeethXpress?
Специјализиран и сертифициран стоматолог за TeethXpress ќе може да ви направи проценка и план за третман, по што ќе имате „TeethXpress“ процедура.
Овој концепт користи само 4-6 импланти, и е способен да овозможи кај тотално беззабите алвеоларни гребени имедијатна функција на фиксната естетска провизорна конструкција. Пациентите кои подолг временски период се тотално беззаби или веднаш по екстракциите на преостанатите заби стануваат комплетно беззаби, во најголем број на случаи посакуваат изработка на фиксни протетски конструкции, но често поседуваат минимална коскена поддршка во постериорните беззаби региони.
Анатомските структури (максиларниот синус или долниот алвеоларен нерв) можат исто така да го компромитираат поставувањето на имплантите во постериорните региони.
Концептот „TeethXpress“ го решава овој проблем на инсуфициенција на алвеоларна коска или присуство на анатомски лимитации, преку поставување на импланти во антериорните региони на максилата/мандибулата (антериорно од максиларниот синус/менталeн форамен) и нивно инсерирање под агол од 30-45 степени. Овој концепт ја редуцира потребата од синус елевација или коскена аугментација.
По сраснувањето на овие импланти трајно ќе бидат прицврстени вашите протези со протетски штрафови.
„TeethXpress“ процедурата типично може да се комплетира дури и за еден ден под локална анестезија. Вашиот стоматолог ќе одлучи дали ќе ја употреби вашата постоечка протеза која веќе ја користите, или пред зафатот ќе се направи нова, така што ќе си заминете од ординација со насмевка. Нелагодноста после „TeethXpress“ процедурата е минимална и најчесто кратка и се третира со стандардни аналгетици. За време на фазата на зараснување ќе биде потребна и лесна диета.
После процедурата
После процедурата е препорачливо да се користи медицинска вода за уста во период од две седмици. За овие две седмици не треба да се четкаат забите. По овој период целосно се враќа нормалната функција на устата, говорот, како и спречување на промената на физиономијата на лицето.
Дали сте кандидат?
Секој пациент е посебен и специфичен случај. Специјализиран и сертифициран стоматолог за TeethXpress ќе може да ви направи проценка и план за третман, по што ќе можете вашата беззабост да ја решите со „TeethXpress“ процедурата. Во Македонија веќе има десеттина тренирани „TeethXpress“ стоматолози. За повеќе детали и за препорака до врвните стоматолози можете да нè побарате:
VESICA Дооел
Овластен и регистриран дистрибутер за Македонија, Албанија и Косово
Скопје, Р. Македонија
+389 2 615600; +389 70 377720
info@vesica.mk
www.implanti.mk
www.facebook.com/vesica.mk
* комерцијален текст
