Ако барате физичка активност за согорување калории и намалување на вишок килограми трчањето е тоа што може да ви помогне да постигнете најдобри резултати.
Пилатес
Пилатесот е спортска активност којашто, пред сè, се фокусира на мускулите на колковите, грбот и стомакот. Пилатес-вежбите го користат сопственото тело како отпор и помагаат да се изгради цврста врска помеѓу умот и телото. Пилатесот помага за изградба на силно и пофлексибилно тело и им помага за зглобовите да се движат на правилен начин.
Таи чи
Истражувањата покажале дека медитацијата има позитивно влијание на расположението и здравјето кај човекот. Тај чи е спортска активност којашто ја става медитацијата на едно поинакво ниво. Акривноста вклучува бавни медитативни движења што помагаат за воспоставување рамнотежа и намалување на стресот. Оваа спортска активност е погодна за сите возрасти.
Пешачење
Пешачењето е една од најдобрите активности за телото и мозокот. Тоа е физичка активност којашто е лесна и не предизвикува притисок на зглобовите, го зголемува расположението и ви помага да се одржи доброто здравје.
Јога
Различните типови на јога може да помогнат секогаш да се задржи активната форма на телото. Дополнително, јогата е спортска активност што делува позитивно во насока на намалување на стресот, подобрување на дишењето, обликување на мускулите и снабдување на телото со повеќе енергија.
Пливање
Кога се зборува за физичка активност којашто ги исполнува сите параметри се мисли на пливањето. Тоа е добро за здравјето на зглобовите, зајакнување на здравјето на срцето, подобрување на расположениет и согорување на вишокот калории. Пливањето, исто така, е особено добро доколку се соочувате со повреда и може да помогне за побрзо закрепнување и зацврстување на мускулите. Оттука, докторите го вклучуваат во секоја програма за терапија и третман на повреди на телото.
Трчање
Ако барате физичка активност за согорување калории и намалување на вишок килограми трчањето е тоа што може да ви помогне да постигнете најдобри резултати. Еден час трчање помага за согорување на двапати повеќе калории отколку возење велосипед или пешачење за истото време.
Вежби со тежина
Тренинзите што вклучуваат вежби со тегови помагаат за добро градење на мускулите, согорување на вишокот калории и зајакнување на коските. Сепак, за овие тренинзи е потребно големо внимание за да не настане повреда заради вежбање со прекумерна тежина.
Вежбање на елиптични справи
Елиптичните справи се одличен избор за спортска активност бидејќи за разлика од останатите спортски активности, со исклучок на пешачењето, го намалуваат ризикот за повреда на зглобовите. Вежбањето на елиптични справи е добра замена за трчањето и може да помогне за намалување на вишокот килограми, зајакнување на мускулите и да зголемување на издржливоста.
