sindrom-na-praznoto-gnezdo_image
Споделете со пријателите!

Заминувањето на децата од домот е транзициониот период во кој многу луѓе доживуваат чувство на осаменост или загуба.
Синдромот на празно гнездо не е клиничка дијагноза, туку го опишува транзициониот период во кој многу луѓе доживуваат чувство на осаменост или загуба. Иако многу родители ги охрабруваат своите деца да станат независни возрасни, моментот кога тие веќе станале и го напуштаат семејното гнездо може да биде болно искуство. Состојбата вклучува збир на симптоми, вклучувајќи осаменост, тага и недостиг на цел, кои обично се јавуваат пред или непосредно откако нивните деца го напуштат својот дом, за да продолжат по свој пат. Иако овој синдром не е прогласен за ментална состојба која бара внимание и терапија, сепак е добро проучена појава која може да доведе до психички проблеми како депресија и анксиозност. Некогаш е потребна и професионална грижа за надминување на состојбата, па затоа треба добро да ги знаеме симптомите.

„Иако многу родители ги охрабруваат своите деца да станат независни, моментот кога тие го напуштаат семејното гнездо може да биде болно искуство.“

Емоционален стрес кој настанува кога детето го напушта семејното гнездо, води до тажна тишина, чувство на осаменост, изолација и безсмисленост на постоењето. Во почетокот може да не можете да ги надвладеете емоциите, може да ве расплачат неочекувани нешта, може да се чувствувате тажни, напуштени, и лути дека не сте биле доволно добри и посветени родители. И сето тоа е совршено нормално. Во овие моменти најбитно е да не ја негирате својата болка и да не ја потиснувате тагата. Да ја стабилизирате вашата емоционална состојба побрзо, дозволете си да ја почувствувате секоја емоција што беснее во вас. Семејна напнатост може да се јави бидејќи со текот на годините, животот на многу двојки се врти главно околу децата и грижа и ангажираност околу нив, а односот помеѓу партнерите останува во голема мера зад себе. Кога детето го напушти домот, остава двајца родители кои практично веќе не се познаваат, па дури и не знаат како да разговараат на теми, различни од оние поврзани со децата. Ако сте поминале години игнорирајќи го својот брак, може да осознаете дека на врската и треба многу работа, грижа и повторно зближување и запознавање. Ова може да доведе до напнатост, па дури и одвојување. Ако сакате да го зачувате вашиот брак, имајте намера да ја подобрите вашата врска. Погледни го овој тежок период како одлична можност за поврзување и повторно откривање на вашата сакана личност. Без разлика дали вашето дете се преселило за да продолжи со образованието, или за да најде свој пат, сосема нормално е да се грижите за тоа како ќе се справи, но не е нормално да чувствувате постојана тревога. Ако му се јавувате по неколку пати дневно или поминувате часови на социјалните мрежи, за да дознаете што прави, со кого е, добро ли е, време е да сфатите дека не постапувате правилно. Сега е време кога вашето дете треба да ги рашири крилата и да ги практикува сите вештини што ги научивте додека било дома. За да ви биде полесно да ја контролирате желбата да бидете во контакт со вашето дете, направете распоред за повици и посети, исто така земајќи го предвид неговиот ангажман. Сосема е нормално да се чувствувате уплашени, тажни и осамени, но запомнете дека тоа нема секогаш да биде така. Со тек на време ќе се навикнете на тишината и ќе бидете во можност да се фокусирате на сопствените желби. Совети за надминување на овој синдром.

Прочитајте:  Кажете му збогум на утринското кафе

„Понекогаш синдромот на празното гнездо води до сериозни состојби како депресија и анксиозност.“

Родителите што поддржуваат целосни односи со партнерот, со роднини и пријатели и оние кои се занимаваат со активности кои ги сакаат полесно ја надминуваат осаменоста и чувството за бесмислен живот кога нивното дете ќе го напушти гнездото. Всушност секој родител на некој начин треба да се подготви за овој тежок период, дури и пред да се случи. Обидете се да се навикнувате со самостојноста и независноста на детето уште за време на пубертетот, давајте му повеќе слобода за да стекне вештини за справување, и потиснете ја желбата да го контролирате секој аспект од неговиот животот.Во меѓувреме, грижете се за себе и оддвоете време за вашите интереси, вашиот сакан и вашите пријатели. Бидете присутни во целосниот живот на вашето дете, но мудро. На овој начин вие не само што ќе едуцирате независен и успешен возрасен. Така вие ќе инвестирате и во сопственото емоционално здравје и кога ќе дојде време детето да полета со раширени крилја, чувството на осаменост и непотребност ќе биде многу полесно да се надмине. Социјалната поддршка исто така може да биде исклучително корисна за време на стрес и осаменост, а грижата за себе мора да биде приоритет за време на оваа тешка транзиција. Постојат практични работи што можете да ги направите за да го подготвите или да управувате со овој тежок и емотивен период. На пример, времето и енергијата во кои сте насочени кон своето дете, сега можат да бидат посветени на различни области од животот, исполнување на заборавени соништа, патувања, ново хоби и пријателства. Понекогаш синдромот на празното гнездо води до сериозни состојби како депресија и анксиозност, затоа доколку забележите продлабочување на симптомите е добро да побарате професионална помош.


Споделете со пријателите!