zoshto-na-film-ni-doagja-da-placheme-da-se-smeeme-solzi_image
Споделете со пријателите!

Главните носители на внатрешната емоционална сила.
Филмовите ги инспирираат луѓето да се смеат и да плачат до солзи веќе преку 120 години, и тие ќе продолжат да ги откриваат чувствата кај луѓето и да ги афектираат сите возрасти.

Тоа ни се случило на сите нас. Ние гледаме филм. Музиката одекнува. Сведоци сме на една неверојатна сцена. Емоциите на ликовите се чини дека доаѓаат преку екранот. И тогаш почувствувате дека вашите очи почнуваат да печат, и наскоро потоа вие веќе плачете како бебе.

Емпатијата ви овозможува да се ставите во чевлите на друга личност и длабоко да го почувствувате она што тие го чувствуваат. Таа е вештина која ви овозможува да разберете како некој друг се чувствува, врз основа на она што го знаете за ситуацијата во која се соочуваат. Оваа општествена вештина честопати е потценета или игнорирана. Но, токму баш таа може да ви помогне да бидете успешни со вашите партнерства, вашето образование и кариера.

Дали сте еден од многуте кои едноставно не можат да ги задржат солзите за време на филмот? Дали испуштате солза, дури и ако сте во кино и опкружени со многу луѓе? Па, нема потреба да бидете засрамени, бидејќи научниците докажуваат дека ова е всушност добар знак. Зошто?

Една студија покажала дека сите оние кои плачеме за време на гледањето на филмови, всушност, сме носители на некоја внатрешна емоционална сила.

Во вашето тело постои еден неуропептид наречен окситоцин, којшто е одговорен за вашите чувства и емпатија. Овој невропептид доживува пик за време на некоја емотивна сцена за време на филмот. Токму затоа направен е експеримент на 2 групи на луѓе. Оние кои имаа повисоки нивоа на окситоцин во крвта за време на гледањето на филмот, беа подарежливи во донирањето на парични средства во добротворни цели и без потреба да знаат кому му донираат. Заклучок, оние кои се способни да почувствуваат емпатија се несебични, фини луѓе кои го прават светот подобро место за живеење.

„Плачењето за време на филмовите значи дека поседувате способност да се поврзете со емоционалната состојба со која се соочува другото лице.“

Социјалните научници знаат дека имаме тенденција да имаме предрасуди против оние луѓе кои плачат за време на филмовите. Но кога плачете, ги откривате вашите емоции и стравови, ги гледате јасно и се соочувате со нив директно, со што си овозможувате полесно да ги надминете. Плачењето за време на филмовите значи дека поседувате способност да се поврзете со емоционалната состојба со која се соочува другото лице. Тоа лице, всушност покажува длабоко ниво на емпатија. Секој поединец кој го искусува тоа, може полесно да се поистовети со нечија болка и полесно да разбере нечија тага. Тој поединец има способност психолошки полесно да се поврзе и со други луѓе. Многу студии покажаа дека плачењето за време на филмовите е поврзано со пониски нивоа на стрес, а повисоки нивоа на самодоверба, емпатија, екстроверзија. Екстроверзијата, всушност била една од карактеристиките на личноста што била поврзана со луѓе кои обично плачат додека гледаат филм. За овие чувствителни луѓе се докажа дека плачењето додека гледаат филм е поврзано со нивната ментална сила. Тоа е, без сомнение, неверојатен фактор, кој ја дефинира нивната моќ. И покрај сето тоа, овие луѓе можат да направат разлика помеѓу реалноста и фикцијата.

Прочитајте:  Состојба со грип во Република Македонија, сезона 2015/2016
до 47ма недела

Значи, следниот пат кога ќе гледате филм и ќе се почувствувате како да ќе заплачете, можете слободно да го сторите тоа, бидете уникатни и свои, бидејќи ова само покажува колку сте емоционално зрели, бидејќи јавно покажувате дека можете да се носите и да се справите со вашите емоции, а тоа е нешто што повеќето луѓе не би можеле да го направат!


Споделете со пријателите!