nema-dovolno-naucni-dokazi-deka-svezoto-nepasterizirano-mleko-e-zdravo_image
Споделете со пријателите!

Податоци укажуваат на можноста за зголемување на процентот на луѓе со лактозна интолеранција

„Подуеност, гасови, дијареа, гадење и болки во стомакот – овие симптоми најчесто се појавуваат околу 30 минути до 2 часа по консумацијата

Лактозната интолеранција е дефинирана како неможност на телото ефективно да ја дигестира лактозата – млечниот шеќер содржан во млечните производи, вклучувајќи го млекото, путерот и сирењето. Оваа состојба се случува кога тенкото црево не успева да обезбеди доволно количество на лактаза – ензимот што ја разградува лактозата. Оттука, доколку лице со интолеранција на лактоза консумира млечни производи, може да се соочи со подуеност, гасови, дијареа, гадење и болки во стомакот – симптоми коишто се појавуваат околу 30 минути до 2 часа по консумацијата. 

Ново истражување спроведено на Универзитетот во Торонто покажа дека луѓето коишто се генетски интолерантни на лактоза, имаат пониско ниво на витамин Д во крвта од останатата популација. Истражувачите откриле дека испитаниците кои го имале генот поврзан со лактозна интолеранција (наречен LCT) консумирале помало количество на млечни производи од оние без овој ген. Истите, исто така, имале пониски нивоа на витамин Д во крвта – очекуван резултат со оглед на тоа што млечните производи се збогатени со витамин Д, а поголемиот дел од луѓето не успеваат да внесат доволно количество од овој витамин од друга храна. „Не сме изненадени што луѓето коишто имаат интолеранција на лактоза јадат помалку млечни производи, но бевме изненадени дека тие не компензирале со суплементи или консумација на друга храна збогатена со овој клучен витамин“, вели Ахмед Ел-Сoхеми, професор на Факултетот за медицина, кој е автор на студијата заедно со Оход Алхарби.

Овие резултати зборуваат за потребата од поголема свест за оние коишто заради лактозната интолеранција ја ограничуваат секојдневната консумација на млечни производи.

Истражувачите потенцираат дека тие треба да бидат свесни за внесувањето на потребното количество витамин Д од други извори, како и да пробаат да консумираат млечни производи без лактоза.

Прочитајте:  Храна која ќе ве исполни со енергија

Исто така, со ова истражување потврдија некои претходни наоди што покажуваат дека оние кои го имаат генот за интолеранција на лактоза имаат помала висина од оние кои го немаат овој ген – податоци кои укажуваат дека недоволното внесување на овие есенцијални хранливи материи се поврзува со растот на коските. Меѓудругото, со истото истражување за прв пат се откри и дека луѓето со само една, наместо со две варијации од овој ген, исто така, се поврзуваат со лактозната интолеранција – податок што укажува на можноста за зголемување на процентот на луѓе со лактозна интолеранција.


Споделете со пријателите!