Важно е да ја оджите хидратацијата на телото во текот на диетата, бидејќи телото ја губи водата кога почнува да гори од внатрешните хранливи материи.
Веќе можеби знаете дека кето-диетата е диета во која се предвидува ниска консумација на јаглехидрати. Всушност, кето-диетата првично била наменета за пациенти со епилепсија, со цел да се намалат нивните напади.
Имено, истражувачите во Медицинскиот центар „Џонс Хопкинс“ на почетокот откриле дека постот помогнал да се третираат напади кај пациенти со епилепсија. Сега ќе се запрашате како ова откритие се претвори во она што денеска го знаеме како кето-диета? Бидејќи постењето не се покажало како здрава долгорочна опција за елиминирање на нападите, докторите на Џон Хопкинс ја создале кето-диетата за да ги имитираат придобивките од постот.
Влијание на диетата на телото
Покрај подобрувањето на здравствените состојби, кетогената исхрана го поттикнува телото да го забрза метаболизмот и да почне да ги гори внатрешните хранливи материи, наместо да ги складира.
Она што се случува е следново: Неколку недели по следење на кето-диетата, вашето тело ќе влезе во онаа фаза што се нарекува кетоза. За време на кетозата, телото согорува енергија од кетоните во крвта. Терминот „испуштање кетони“ е откривање на кетони во урината, што е добар индикатор дека диетата влијае на промените во вашето тело. Луѓето со дијабетес често ги следат кетоните во урината, бидејќи испуштањето кетони може да не биде здраво за некој што неефикасно управува со својот дијабетес.
За кого е добра кето-диетата?
Бидејќи секој може да ја следи оваа диета со малку напор и подготовка, таа е погодна за различни профили на луѓе, започнувајќи од луѓе кои се борат да ја намалат својата тежина до оние кои страдаат од различни медицински состојби.
Кетогената диета не е погодна за деца, но под постојан надзор на доктор може да помогне во намалувањето на симптоми на болести кои предизвикуваат изнемоштеност. На пример, кетогената исхрана најчесто се користи за третирање на епилептични напади, па оттука, може да покаже позитивни ефекти кај децата што страдаат од епилепсија.
Луѓето што страдаат од потешки болести не се единствената популација што може да има корист од кетогените диети. Оние кои се со прекумерна тежина или се борат со согорувањето масти може да воочат позитивности во губење на тежината преку оваа диета.
Една студија покажала дека група од 83 пациенти со прекумерна тежина кои ја следеле кетогената исхрана, не само што ја намалиле својата тежина, туку, исто така, ги намалиле нивоата на холестерол и триглицериди во крвта. Кај овие пациенти, исто така, биле забележани намалени нивоа на гликоза во крвта во период од 24 недели од третманот.
Дали кето-диетата е безбедна?
Кетогената исхрана поттикнува губење на тежината, им помага на луѓето со висок шеќер во крвта да се справат со нивната тежина и да почнат да слабеат на здрав начин. Сепак, кетогената диета не е лесна и носи голем број предизвици и правила на исхрана што треба да се следат. Повеќето кето диети предвидуваат ограничување на јаглехидратите до 30 гр. или помалку на дневна база, вклучувајќи јаглехидрати кои доаѓаат од зеленчукот. Ова во суштина значи отфрлање на сите житарици, леб, овошје, скробен зеленчук и шеќер од дневното мени.
Нема докази дека кетогените диети се штетни за телото и здравјето на човекот. Всушност, кето-диетите можат да помогнат во решавањето на бројни здравствени проблеми.
Сепак, важно е да се напомене дека главоболките и заморот се многу чести во почетните фази на оваа диета. Многу луѓе страдаат од она што често се нарекува „јаглехидратен грип“. Во суштина вашето тело се детоксицира од недостатокот на јагленохидрати на кои е навикнато. Исто така, важно е да се обрне внимание на хидратацијата на телото, односно доколку решите да ја започнете кето-диетата важно е да ја одржувате хидратацијата во текот на тој период, бидејќи телото ја губи водата кога почнува да гори од внатрешните хранливи материи.
