shto-e-ileus_image
Споделете со пријателите!

Екстремен абдоминален дискомфорт непријатност, абдоминални грчеви, губење на чувство за апетит се само некој од симптомите на илеус

„Илеус е медицински термин за овој недостаток на движење некаде во цревата и потенцијално блокирање на движењето на прехранбениот материјал.

Нашите црева се долги околу 28 метри. Ова значи дека храната што ја јадеме поминува долг пат пред да бидат целосно сварена или екскретирана. Нашите црева ја завршуваат оваа задача со брановидни движења познато како перисталтика. Овие мускулни контракции ја движат проголтаната храна надолу. Меѓутоа, доколку нешто го попречи ова движење како што се проблеми со мускулите или нервите, настанува успорување или коплетно блокирање на перисталтиката, а последиците може да бидат сериозни. Илеус е медицински термин за овој недостаток на движење некаде во цревата, што доведува до настанување на потенцијално блокирање на прехранбениот материјал. Илеус може да доведе до интестинална опструкција кое што значи дека прехранбените материи, гас или течности не може да се придвижат. Една од причините за настанување на илеус е извршен оперативен зафат (несакан ефект после операција). Сепак, постојат и други причини за настанување на оваа состојба и е причина за сериозна загриженост. Но, често луѓето кои имаат илеус не знаат дека храната се натрупува во нивните црева и продолжуваат да јадат. Ова предизвикува натрупување на се повеќе и повеќе материи кон предходно застоената храна. Без третман, илеусот може да перфорира или да доведе до кинење на цревата. Ова ќе предизвика содржината на цревата – кои имаат високо ниво на бактерии – да протечат во стомачнат празнина, а во најлош случај последицата е смрт. Ако се појави илеус, важно е да се лекува што е можно побрзо.

Кои се симптомите на илеус?

  • Екстремен абдоминален дискомфорт непријатност,
  • Абдоминални грчеви,
  • Губење на чувство за апетит,
  • Чувство за прејаденост,
  • Запек
  • Неспособност да се испуштат гасови,
  • Гадење повраќање, (содржина која е слична на фецес).
Прочитајте:  Енкопореза - Фекална инконтиненција кај децата

Бидејќи желудникот и цревата ќе почнат да се полнат со гас кој не може да се ослободи преку ректумот, абдоменот може да добие цврст и отечен изглед.

Доколку ги почувствувате овие симптоми, особено после операција, важно е да побарате медицинска помош.

Кои се причините за илеус?

Илеус може да се јави како несакан ефект по операција, како и заради земање на лекови кои можат да го забават интестиналното движење. Ова е тип на паралитичен илеус. Во овој случај, цревната содржина не е блокирана туку не се движи нормално. Резултатот е малку или никакво движење на сварената храна во цревата.

Примери за лекови кои можат да предизвикаат паралитичен илеус вклучуваат:

  • Хидроморфон,
  • Морфиум,
  • Оксикодон,
  • Трициклични антидепресиви, како што се амитриптилин и имипрамин.

Она што е најважно кога имате болки во стомак е да не земате лекови на своја рака, особено лекови кои може да го искомплицираат илеусот, како што е троспиум и други лекови чија контраиндикација е илеус.

Други причини за настанување на Илеус

  • Кронова болест, која предизвикува цревните ѕидови да се подебели поради автоимуно воспаление;
  • Дивертикулитис;
  • Паркинсонова болест, која влијае на мускулите и нервите во цревата.

Најчеста причина за илеус кај децата е инвагинација или Intussusceptiа, кога дел од цревата се вовлекуваат во себе. Илеус е втората најчеста причина за реадмисија во болница во првите 30 дена по операцијата. Она што е битно да се направи доколку имате болки во стомак е консултација со лекар без да се земаат лекови за смирување на болката на своја рака особено не доколку во изминатиот период сте имале некој оперативен зафат на абдомен.


Споделете со пријателите!