abdominalna-distenzija_image
Споделете со пријателите!

Абдоминалната дистензија не е самостојна медицинска состојба, туку е едноставно знак за постоење на основна состојба која довела до нејзина појава.
Абдоминален оток или дистензија е термин кој се користи за голем број на состојби кои предизвикуваат абдоминалната празнина да изгледа подуено или зголемена. Кај најголемиот дел од случаите таа појава се должи заради промени кои се однесуваат на дигестивниот тракт, бидејќи тие се најистакнатите органи во абдоминалната празнина. Сепак, медицинските состојби кои вклучуваат други абдоминални структури, исто така, може да направат абдоменот да изгледа потечен. Важно е да се напомене дека абдоминалната дистензија не е самостојна медицинска состојба, туку е едноставно знак за постоење на основна состојба која довела до нејзина појава.

Постојат голем број на различни медицински состојби кои се присутни и може да доведат да има оток во стомакот, некои од нив се бенигни а други сериозни причини кои ја предизвикуваат оваа појава.

Причини за абдоминална дистензија

Синдром на иритабилен колон
Оваа состојба предизвикува спорадични грчеви на мускулите во цревата, што резултира со болка и итна потреба да се користи бањата. Запек, дијареја и столица со слуз се поврзани со оваа состојба, при што болката е честа појава меѓу сите нив. Иритабилен колон се смета за хронична состојба која може да се отстрани со правилна исхрана и нега.

Интолеранција на лактоза

Неспособност за варење на шеќерот во млечни производи наречен лактоза.“

Неспособност за варење на шеќерот во млечни производи наречен лактоза. Тој е предизвикан од дефицит во одреден ензим наречен лактаза, кој нормално го вари шеќерот. Симптомите на инетолеранција на лактоза вклучуваат грчеви, вишок на гас, надуеност, гадење и/или дијареа. Нетолеранцијата на лактоза не е алергија, бидејќи погодените лица се уште можат да консумираат мали количества млечни производи без многу последици.

Цисти на јајници
Сакови исполнети со течност, со големина и облик на бадем, се наоѓаат на површината или во јајниците на женскиот репродуктивен систем. Цисти на јајници се всушност многу честа појава, при што многу жени ги имаат во некој период од животот. Сепак, цистите на јајниците често остануваат незабележани, бидејќи тие предизвикуваат малку или никаква непријатност и се безопасни. Постојат случаи кога цистите на јајниците се руптурираат и може да предизвикаат сериозни симптоми кои бараат итна медицинска помош.

Фиброиди на матка
Исто така познати како леомиоми, представуваат не-канцерозни промени во матката кои предизвикуваат болка и притисок во карлицата, тешки менструации, често мокрење, запек, како и болка во грбот и нозете. Сепак, во повеќето случаи, фиброидите се без болка. Тие често се појавуваат во репродуктивниот период на жената. Големината на фиброидите може да варира од големина на семка до големите маси. Некои жени имаат толку многу фиброиди до степен да матката се проширува и допира до ребрениот лак.

Запек
Запек е состојба во која има потешкотии со празнење на дебелото црево. Ова може да доведе до заробени гасови во цревата, предизвикувајќи непријатност и надуеност. Сè додека не се олесни запек, овие симптоми не исчезнуваат. Општо земено, за опстипацијата станува збор кога има помалку од три движења на дебелото црево неделно.

Диспепсија

„Неправилен хигиенодиететски режим води до појава на диспепсија“

Состојба што опишува болка, киселини или непријатноста во стомачниот регион. Појавата на овој симптом може да вклучува гадење, надуеност и ждригање. Диспепсија може да се јави заради повеќе причини, вклучувајќи премногу јадење, брзо јадење, конзумирање масна или мрсна храна, јадење зачинета храна со премногу кофеин, конзумирање на газирани пијалоци, нервоза, па дури и пушење. Списокот е всушност многу долг. Во основа неправилниот хигиенодиететски режим води до оваа појава.

Дијабетес

Улцеративен колитис
Воспалително заболување на цревата што резултира со долготрајно воспаление и чиреви (рани) во дигестивниот тракт, кои ја зафаќаат лигавицата на гастроинтестиналниот тракт, особено дебелото црево. Состојбата често може да биде сериозна, а понекогаш може да доведе до компликации опасни по живот. Додека симптомите на УК може да варираат од пациент до пациент во зависност од степенот на присуство на воспаление, класификација се прави според тоа кој дел од цревото е воспалено. Симптомите на улцеративен колитис често вклучуваат дијареа, абдоминална болка и губење на тежина. Во моментов, не постои лек за оваа болест.

Прочитајте:  Дали кашлате после јадење?

Кронова болест
Друга форма на воспалително заболување на цревата која предизвикува абдоминална болка, тешка дијареа, губење на тежината и недоволна исхранетост. Областите на погодениот дигестивен тракт често се разликуваат од пациент до пациент, со состојба која има способност да предизвика симптоми насекаде од устата до анусот. Воспалението кај Кроновата болест се шири до длабоките слоеви на ткивото на дебелото црево, што често води до неколку исцрпувачки, а понекогаш и опасни по живот компликации. Не постои лек за Кронова болест.

Пептична улкусна болест
Формирање на чир во слузокожата на желудник, езофагусот, или во првиот дел од тенкото црево. Болката често се јавува во епигастричната област. Улкусите често се резултат на бактериска инфекција позната како Хеликобактер Пилори. http://pharmanews.mk/priroden-tretman-za-upornite-helikobakter-infekcii-lidija-nikoloska-peshtaleska/ Ерозијата предизвикана од стомачната киселина, исто така, може да доведе до формирање на чир.

Други причини за абдоминален оток и надуеност

Целијакија
Целијачна болест (ентеропатија заради чувствителност на глутен), понекогаш наречена спру, е состојба во која одредени лица развиваат имунолошка реакција секогаш кога консумираат глутен. Имунолошката реакција се јавува во тенкото црево и со тек на време, ја оштетува цревната обвивка, што доведува до малапсорпција на есенцијални хранливи материи, губење на тежина, замор, надуеност и анемија.

Дивертикулитис
Една од најчестите причини за болка во долната лева страна на абдомен. Дивертикулитис може да се развие кога малите торбички создадени од слаби точки во дебелото црево, стануваат воспалени. Овие вреќи може да се раскинат, набујат и да станат инфицирани. Други симптоми на дивертикулитис вклучуваат треска, гадење и повраќање. Тешки случаи на состојбата може да бараат хируршка корекција.

Камчиња во жолчно кесе

Бубрежна калкулоза

Други здравствени услови и медицински состојби кои водат до балониран стомак вклучуваат:

  • Асцит;
  • Акутен панкреатит;
  • Цистична фиброза;
  • Еозинофилен гастроентеритис;
  • Giardiasis;
  • Апендицитис;
  • Алергија на храна;
  • Перитонитис;
  • Ектопична бременост;
  • Малапсорпциски синдром;
  • Фасциоза;
  • Алкохолно заболување на црниот дроб;
  • Хернија;
  • Склеродерма;
  • Конгестивна срцева слабост;
  • Вилмс тумор;
  • Труење со храна од Staphylococcus aureus;
  • Бубрежна болест;
  • Квашиоркор;
  • Рак на стомакот;
  • Рак на црниот дроб;
  • Хепатитис А, Б, Ц, Е;
  • Ендометријален канцер;
  • Хиршспрунг-ова болест;
  • Колоректален карцином;
  • Инфективен ендокардит;
  • Жолта треска;
  • Хепаторенален синдром;
  • Буркит-ов лимфом;
  • Некротизирачки ентероколитис;
  • Опструкција на дебелото црево;
  • Рак на јајници;
  • Бременост;
  • Полицистично заболување на црниот дроб;
  • Pseudomonas aeruginosa инфекција;
  • Пред-менструален синдром;
  • Стронгилоидаза;
  • Тропски спру;
  • Синдром на бактериски прекумерен раст на тенкото црево;
  • Whipple-ова болест и зголемување на телесната тежина;
  • Кои се симптомите и како да се дијагностицира абдоминалната дистензија.

Симптомите на абдоминална дистензија на крајот ќе зависат од основната причина, меѓутоа, повеќето презентации често вклучуваат:

  • Чувства на полн стомак и непријатност;
  • Издржливост;
  • Гадење;
  • Повраќање;
  • Дијареа;
  • Недостаток на здив;
  • Абдоминална болка или грчеви;
  • Можна е појава на треска.

Дијагнозата на абдоминална дистензија обично се потпира на внимателна клиничка проценка за да се препознае симптомот, особено ако пациентот е со наднормена телесна тежина. Сепак, наоѓањето оток во стомакот ќе биде само првиот дел од долгата истрага во потрага по потенцијална причина. Ова ќе вклучува преземање на комплетна медицинска историја во потрага по каква било претходна состојба и извршување темелен физички преглед.


Споделете со пријателите!