Корисни прехрамбени производи при флегмон
Флегмонот е остро гнојно воспаление на масното ткиво, кое нема јасно изразени граници, бидејќи се карактеризира со недостаток на капсула, за разлика од апсцес, и затоа лесно се шири низ околните ткива, вклучувајќи тетиви, коски и мускули. Во превод од грчки флегмон значи воспаление, жештина.
Обично неговиот развој се провоцира од златни стафилококи, но носачи на патологијата можат да бидат и други микроби, кои стигнале во ткивата преку оштетената кожа или слузокожа. Воспалителниот процеси може да потекнува или да е последица од еризипел, сепса, остеомиелитис, но исто така да егзистира и како самостојна болест.
Во зависност од локацијата, флегмоните се класифицираат како:
- Длабок – воспалението се шири во длабоките клеточни пространства;
- Периферен – воспалението го засега само подкожното ткиво.
Корисни прехранбени производи при флегмон
Пациентите кои се справуваат со таков проблем е потребно да се хранат правилно и избалансирано, затоа производите кои ги консумираат, не треба да се мрсни и да имаат низок процент на јаглехидрати, да содржат големо количество целулоза и витамини и да не го оптоваруваат гастроинтестиналниот тракт.
Супстанциите кои влегуваат во составот на зелениот чај, помагаат во борбата со воспалителните процеси, па затоа се препорачува дневно да се пие минимум литар од него.
Витаминот А е познат по антиоксидантното дејство, па затоа во менито треба да присуствуваат повеќе производи кои го содржат спанаќ, рибино масло, црн дроб од бакалар, овошје и зеленчуци богати на калиум како што се кајсии и брокула.
Б2 е витамин кој придонесува за регенерацијата на ткивата, затоа при флегмон е препорачливо да се консумира повеќе месо од живина, ореви, печурки, да се пијат напитоци кои во својот состав имаат шипка или чај од шипка.
Витаминот Ц ја намалува инциденцата на интоксикација. Треба да се внесува преку цитруси, кисела зелка, слатки пиперки, јагоди и секакви сезонски бобинки.
Витаминот Б15 има антиоксидативен ефект, што значи дека сусамово семе, хељда и јачменот, гравот и оризовите трици треба да бидат дел од менито на луѓето кои се справуваат со флегмон.
Друг витамин кој е потребно да биде внесуван преку храната, е витамин Р. Тој помага за апсорпција на витамин Ц и се содржи во Шипка, рибизла, цитруси, малини, капини, зелена салата и копар.
Потребата на организмот од протеини може да се задоволи со помош на ниско калорични млечни производи, ореви, семки од семиња, живина и риба.
Штетни храни кои го отежнуваат заздравувањето на флегмон
Луѓето кои страдаат од проблемот, не треба да злоупотребуваат храна која води до одложување на метаболните процеси и создава дополнително оптоварување за желудникот и цревата. Имено: колбаси; пушено месо и риба; полупроизводи; брза храна; маринирани производи; силен чај и кафе; алкохол; масни видови риба и месо; зачинети сосови; пржени јадења.
