LOreal-najavuva-senzor-za-merenje-na-izlozenosta-na-UV-zracite_image
Споделете со пријателите!

Козметичката куќа најавува начин за мерење на штетните УВ зраци
„Благодарение на новата технологија ќе можеме да знаеме кога е доволно сонце за нас“
Премногу сонце може да биде штетно за кожата. Од предвремено стареење на кожата до сериозни кожни заболувања, преголемата изложеност на УВ зрачење може да биде навистина опасна. Кога станува збор за мерење на ваквата изложеност, навистина е тешко да се измери штетното влијание на УВ зраците. Но, благодарение на нова технологија од козметичката куќа L’Orèal ќе можеме да знаеме кога е доволно сонце за нас.

Се работи за растеглива лепенка во вид на сензор кој се лепи за кожата и кој е наменет за мерење на изложеноста на УВ зраците. Според луѓето кои се одговорни за овој изум, „My UV Patch“ сензорот е тенок, лесен и удобен и не би требало да претставува никаков проблем за тој што сака да го носи.

Лепенката е дебела само 50 микрометри и може да се залепи директно на било кој дел од кожата. Откако ќе ја залепите, лепенката менува боја кога е изложена на УВ зраци за да покаже различни нивоа на изложеност на УВ зрачење.

„Главната намена на оваа нова лепенка е со текот на носењето да добиете чувство колку време поминато на сонце е безбедно и доволно“

Но, за да може да се интерпретираат боите на лепенката, ќе ви биде потребен т.н. паметен телефон – smartphone. Корисниците на ваквата лепенка ќе можат да си симнат мобилна апликација – My UV Patch mobile app достапна и за iOS и за Android уредите со помош на која ќе можат да ја сликаат лепенката на кожата. Апликацијата ќе ја анализира сликата за да одреди на колкаво ниво на УВ зрачење сте биле изложени. Ова значи дека вие самите ќе бидете одговорни за проверка на УВ зрачењето (лепенката нема да може самостојно да ви сигнализира дека сте биле премногу изложени на сонце).

Прочитајте:  Дали во 2018 ќе ги победиме ракот, заразните болести и автоимуните заболувања?

Овој сензор може да се носи залепен на кожата и по неколку денови. Неговата главна намена е со текот на носењето да добиете чувство колку време поминато на сонце е безбедно и доволно. Доколку се здобиете со вакво чувство по одредено време на носење на лепенката, можете да ја оставите дома заедно со вашиот телефон. Лепенката би требало да биде достапна малку подоцна годинава.


Споделете со пријателите!