sepak-ima-povrzanost-pomegju-antibioticite-zgolemuvanjeto-na-alergiite_image
Споделете со пријателите!

Родителите треба внимателно да размислат кога бараат од докторот да им препише антибиотик како обид да ги лекуваат најчестите детски настинки болки во грлото , чиј причинител најчесто е вирус
Научниците со децении предупредуваат дека преголемата употреба на антибиотици, доведува до развој на бактерија отпорна на лекови, што ја прави потешка „борбата“ со инфекции.

Главната американска институција за контрола на болестите и превенција, тврди дека бактеријата отпорна на лекови е причина за над 23.000 смртни случаи и два милиона тешки заболувања секоја година. Но, сепак кога мислиме на „злоупотреба“ на антибиотиците, воопшто не мислиме на алергиите, а последните истражувања почнуваат да укажуваат дека треба да мислиме и на нив.

„Последниве две до три декади, забележано е драматично зголемување на ширење на алергиите.“

Последниве две до три декади, имунолозите и алерголозите забележале драматично зголемување на ширење на алергиите. Амерканската академија за астма, алергии и имунологија, вели дека околу 40 до 50 проценти од децата на училишна возраст на секаде низ светот се сензитивни на една или повеќе алегрии. Најчестата алергија е онаа на кожата, како егземата која ја имаат десет до 17 отсто од ученииците, респиратоните алергии, како астмата и ринитисот кои се забележани кај скоро 10 проценти, како и алегриите од храна, поточно алергијата на кикирики, што е случај кај помалку од осум отсто. Ова, велат тие не се случува само во САД, туку и во сите индустријализирани земји оваа појава е во пораст. Овој пораст ја отсликува зголемената употреба на антибиотици, посебно кај децата со вирусни инфекции, како што се настинката и болката во грлото. Неодамнешните студии, покажуваат дека тие можеби се поврзани. Се поставува прашањето, зошто антибиотиците кои ги користиме за борба против штетна бактерија, можат да станат причина некој да биде подложен на алергија. Додека антибиотиците се борат со инфекцијата, тие исто така ја намалуваат нормалната-добрата бактерија во нашиот гастроинтестинател систем, наречена цревен микробиом. Поради интеракцијата на цревните бактерии и нормалната рамнотежа на клетките од имуниот систем, цревниот микробиом игра важна улога во созревањето на нашиот имунолошки систем. Но, кога оваа интеракција помеѓу бактеријата и имунолошките клетки не се случува, имунолошкиот систем реагира несоодветно на безопасни супстанции како што се храната или честичките од прашина. Ова може да резултира со развој на потенцијални фатални алегрии.

Изложеноста на микроби во раните години е важна за целосниот развој на нашиот имунолошки систем. Редуцирањето на овие микроби може да придонесат да се чувствуваме почисто, но нашиот имунолошки систем може да страда (пати).

Истражувањата кои се направени со Европа, покажуваат дека децата кои растеле на фарма имаат поширок спектар на микроби во нивните црева, и имаат до 70 % намалени шанси за развој на алергии, споредено со децата кои не пораснале на фарма. Ова е поради изложеноста на широкиот спектар на микроби кои му овозможуваат на нашиот имунолошки систем да помине низ еден процес на балансирано созревање, со што се обезбедува заштита од несоодветни имунолошки одговори.

Прочитајте:  Дали мозокот мирува кога не правиме ништо?

Во нашиот обид да ги заштитиме од инфекции, можеме да поставиме „патека“ за нашите деца да развијат животно загрижувачки алергии и астма. На пример, една студија од 2005 година покажала дека бебињата изложени на антибиотици во првите 4 до 6 месеци од животот имаат 1,3 до 5 пати зголемен ризик за развој на алергија. Дури и доенчињата со намалена бактериска разновидност, која може да се појави со употреба на антибиотици, може да го зголеми ризикот од појава на егзема. Мора да се напомене дека оваа разлика може да ја предизвикаат и антибиотиците кои ги употребуваат и мајките на децата.

Копенхагенската студија за астма во детството, која е голема студија за бебиња родени од страна на астматични мајки во Данска, покажала дека децата чии мајки користеле антибиотик за време на бременоста, биле двојно повеќе подложни да развијат астма, споредено со децата чии што мајки не користеле лекови додека биле гравидни.

Испитувањата врз заморчиња, покажале дека наследниците на глувчињата кои биле третирани со антибиотици имале зголемена веројатност за развоја на алергии и астма.

Докторите и пациентите знаат дека прекумерната употреба на антибиотици може да предизвика големи проблеми. Се чини дека релативно мал број доктори се подложни на препишување на антибиотици. Една неодамнешна студија за праксата на препишување лекарства од страна на докторите, покажала дека 10 отсто од докторите препишуваат антибиотици на 95 проценти од своите пациенти за инфекции на горниот респираторен тракт.

Здравствените професионалци не треба да бидат загрижени само за развојот на отпорност на антибиотиците, туку треба да бидат свесни дека со тоа се создава уште еден здравствен проблем кај пациентиите и најверојатно кај нивните деца. Родителите треба внимателно да размислат кога бараат од докторот да им препише антибиотик како обид да ги лекуваат најчестите детски настинки болки во грлото, па дури и за нив, кои најчесто се последица на вирусни инфекции, кои во секој случај немаат дејство врз нив, а се разбира и докторите треба два пати да размислат дали да препишат антибиотик за овие заболувања.

Како што бактеријата отпорна на антибиотици станува се поголем проблем, така расте и очајната потреба да се создаваат нови антибиотици. Развојот на нов антибиотик трае доста време, некогаш и до десет години, а фармацевските компании го имаат занемарено ова поле на производство на лекарства.


Споделете со пријателите!