dali-momchinjata-isto-taka-treba-da-primaat-hpv-vakcini_image
Споделете со пријателите!

Според Центарот за контрола на заразни болести повеќето од момчињата не ја примаат ХПВ вакцината на возраст од 11-12 години, како што е препорачано
Јавноста, а особено лекарите треба да го знаат она што е општо познато за Human Papilloma вирусот. Речиси секој ќе биде изложен на овој вирус, а може да предизвика не само рак на грлото на матката, туку и рак на аналниот отвор, пенисот и грлото. Оралниот ХПВ е три пати почест кај мажите, отколку кај жените и ракот на грлото е еден од најчестите малигни канцери кај мажите. Според ова, парадоксално е вакцинацијата против ХПВ да се третира како ексклузивна заштита само на женскиот пол.

Оваа вакцина превенира повеќе видови на рак, не само рак на грлото на матката.

Д-р Рејмонд Мартинс – Raymond Martins, оваа вакцина ја смета како едно од чудесните научни откритија на медицината од кое сите треба да ги користат придобивките. Тој ги обучува медицинските лица за тоа како подобро да комуницираат со своите пациенти. Според него понекогаш медицинската заедница се оттргнува од прашања што се однесуваат на сексуалноста.

„Ние имаме вакцина што е безбедна, ефективна и може да превенира канцер. Ова треба да биде нешто кое секој треба да го добива. Како девојките, така и момчињата“ – истакнува д-р Рејмонд.

Најчеста причина за појава на табу темите е чувството на непријатност кое се појавува кај пациентите. Кога на пациентите им станува непријатно, лекарите најчесто не сакаат повеќе да разговараат на таа тема, објаснува д-р Рејмонд. Д-р Линда Фу – Linda Fu од Детскиот национален медицински центар, додава дека медицинската заедница треба да се потруди повеќе да ја промовира оваа вакцина.

Прочитајте:  Скопје ги надминува годишните ЕУ стандарди за аерозагадување уште во февруари!

Таа вели дека родителите најчесто се во заблуда во поглед на оваа вакцина, затоа што ја сфаќаат како вакцина само за жени. Од друга страна пак, родителите исто така не се соодветно информирани на оваа тема, бидејќи Human Papilloma вирусот е поврзан со сексуалната активност – тема тешка за сфаќање од страна на многу родители кога станува збор за нивните деца, сè уште ненавлезени во пубертет.

„Оваа вакцина превенира рак, што значи дека превенира смрт. Па, како да му кажеме не на ова?“ – потенцира д-р Фу.

Проблемот со реалната претстава за оваа вакцина во јавноста е поврзан со нејзината историја, односно со фактот што таа првично од нејзиното одобрување во 2006 била наменета само за девојчињата. Иако од 2011 година момчињата исто така се вклучени, јавното мислење сè уште не е променето.


Споделете со пријателите!