Растителните влакна недостасуваат во природниот овошен сок, иако повеќето други корисни фитохемикалии се присутни во поголемо или помало количество како во целите плодови.
Многу студии зборуваат за позитивниот ефект којшто го има овошјето врз човечкото здравје. Помеѓу многуте здравствени придобивки, консумацијата на овошје на дневно ниво многупати се докажала како значајна за губењето на вишокот килограми, како и за намалувањето на ризикот од долготрајно зголемување на телесната тежина.
Позитивните ефекти од овошниот сок, пак, се дискутабилни бидејќи овошјето е познато дека е богато со едноставните шеќери, како што се сахароза, гликоза и фруктоза. Кога овие шеќери се внесуваат токму во форма на сок тие не се дигестираат и може да предизвикаат брзо зголемување на шеќерот во крвта. Едноставните шеќери се поврзани со зголемување на телесната тежина, дислипидемија (зголемување на потенцијално опасните крвни липиди), хипертензија, кардиоваскуларни срцеви заболувања, како и заболувањето од рак.
Факти за целите плодови овошје
Намален внес на калории
Јадењето цели плодови овошје придонесува за намален вкупен внес на калории поради изобилството на растворливи растителни влакна. Ова се случува бидејќи растителните влакна создаваат чувство на ситост. Тие се раствораат со вода во тенкото црево за да формираат гел којшто за возврат го спречува гастричното празнење и лачењето на дигестивниот ензим.
Забавувањето на процесот на варење на храната значи дека јаглехидратите, мастите и протеините се разградуваат со многу побавно темпо што доведува до продолжено намалување на чувството на глад.
Бавно ослободување на шеќерот во крвта
Овошјето создава зголемено чувство на ситост и поттикнува побавно ослободување на шеќерот во крвта што доведува до намалување на честотата на внесување храна, како и на количеството на храна коешто се внесува.
Ситоста е биохемиски посредуван процес кој вклучува лачење и врзување на различни пептиди кои дејствуваат како сигнали, ослободени од цревата и другите органи како одговор на внесот на храна.
Зголемено количество на фитохемикалии
Овошјето содржи фитохемикалии, природни хемикалии коишто имаат антиоксидантна, антивоспалителна и антиканцерогена моќ. Тие го поттикнуваат организмот да се бори против отровите и помагаат во одржувањето на доброто здравје.
Факти за овошниот сок
Недостаток на влакна
Растителните влакна недостасуваат во природиот овошен сок, иако повеќето други корисни фитохемикалии се присутни во поголемо или помало количество како во целите плодови.
Кај комерцијално произведениот овошен сок, исто така, недостасуваат влакна и, оттука, тој не поттикнува продолжено чувство на ситост и наместо тоа го зголемува чувството на глад, како и вкупниот внес на храна во текот на денот.
Брза апсорпција
Бидејќи течностите поминуваат во цревата многу побрзо од цврстите материи, тие и се апсорбираат многу побрзо. Ова значи дека овошниот сок предизвикува нивото на глукоза во крвта и нивоата на инсулин да се зголемуваат многу побрзо во споредба со целите плодови овошје.
Оттука, овошниот сок може да го зголеми ризикот за дијабетес тип 2 и прекумерна тежина за разлика од целите плодови овошје коишто го намалуваат ризикот за истите.
Големо гликемискко оптоварување
Една студија покажа дека консумацијата на цело овошје додава само една десетина од вкупното гликемиско оптоварување на храната. Од целите плодови овошје, бананата, јаболката и грозјето придонеле по околу 3-4%, 2% и 1% гликемско оптоварување во исхраната.
Кога станува збор, пак, овошниот сок, направена е споредба помеѓу портокалот и сокот од портокал. Истражувањето покажало дека целиот портокал придонел гликемиско оптоварување од 6,2 по порција, во споредба со сокот од портокал 13,4. Во меѓувреме, целиот портокал содржел 3,1 гр влакна по порција, додека сокот од портокал содржел само 0,5 гр.
