proletna-letargija-ushte-eden-fizioloshki-odgovor-ili-se-pochesta-bolest_image
Споделете со пријателите!

Раширете ги „уморните екстремитети“ колку што е можно побрзо, дури и ако е сеуште прилично студено во текот на првите неколку месеци од годината.
Секој од нас поседува специјални сензори кои неуморно реагираат на сончевите зраци, ги прифаќаат, за потоа да испратат сигнали директно до центрите во мозокот како одговор на таа сензорна дразба.

Дека променливото време делува врз здравјето е докажано уште пред многу децении. Во овој период од годината времето е сосема непредвидливо. Ако знаеме дека во лето нè очекуваат високи температури, а во зима се соочуваме со студено време, во пролет можеме да очекуваме баш буквално сè! 

Кога ja оставаме студената зима и влегуваме во потопла пролет често знаеме да се соочиме со пролетен замор. Познат како синдром на пролетен замор, тоа не претставува болест, туку само збир на физиолошки симптоми, од кои најчест е драстичниот и ненадеен пад на нашата енергија.

Како променливото време влијае на нашето здравје?

Во природата на механизмите на адаптација e да се приспособуваат на апсолутно секоја промена на времето, односно да се адаптираат на подолгите дневни часови. Ритамот на телото се менува, а зголемената количина на сончева светлина знае да предизвика големи хормонални промени. Голем дел од луѓето временските промени ги чувствуваат со појава на чести главоболки, болки во зглобовите, појава на замор и појава на настинка. Човечовото тело постојано го регулира метаболизмот и хормоналната рамнотежа во согласност со атмосферските услови. Дали е студено или темно, телото се обидува да се заштити со намалување на телесната температура, зголемувајќи го крвниот притисок и создавајќи повеќе од хормонот за спиење, мелатонин. Оваа промена во рамнотежата трае подолго време и кога еднаш во телото ќе се прилагоди, сезоната повторно се менува.

Сончевите и светли денови го подобруваат расположението и имаат директно влијание врз зголемувањето на физичката активност.

Во текот на зимата се зголемува нивото на хормонот мелатонин кој го регулира ритамот на спиење и будност. Со доаѓањето на пролетта, рецепторите за светлина во очите регистрираат зголемена количина дневна светлина и испраќаат сигнали до мозокот да го намали лачењето на хормонот мелатонин. Од друга страна, во овој период од годината расте нивото на серотонинот, хормонот на среќа. Овој хормон, кој ве прави среќни, исто така е виновен и за расеаноста, губитокот на енергија и зголемувањето на вашиот ентузијазат.

Прочитајте:  Што треба да знаете за виремијата?

Пролетниот замор е како еден вид на мамурлак – по времето на хибернација. Оваа промена е стресна и предизвикува замор и слабост, додека телото целосно не се приспособи на тоа. Може да потрае од две недели до еден месец. Како сонцето грее се повеќе и посилно, се нарушува метаболичката и хормоналната рамнотежа. Температурата на телото расте, крвните садови се шират, а крвниот притисок опаѓа. Постепено, телото го намалува производството на мелатонин, со цел да се стимулира создавањето на „добриот хормон“ – серотонин.

Дополнително, кожата ги прима ултравиолетовите зраци кои помагаат во создавање на витаминот Д, кој е есенцијална компонента на нашето здравје.

Светлината ја стимулира синтезата на среќниот хормон серотонин

За да би можеле вие полесно да го прифатите процесот на адаптација, олеснете си себеси и јадете многу свежо овошје и зеленчук, пијте многу вода, излегувајте надвор колку што можете почесто.

Тоа ќе ви постави можност за денови во добро расположение, за вие да бидете помотивирани и поисполнети со енергија. Раширете ги „уморните екстремитети“ колку што е можно побрзо, дури и ако е сеуште прилично студено во текот на првите неколку месеци од годината.

Ако вежбате, правете го тоа помалку во ова време, за да не се заморите уште повеќе. Ако вежбате јога, вежбајте повеќе смирување и негување на телото, кое ќе ви помогне да соберете енергија, така што ќе може да ја дочекате пролетта свежи и обновени. Сепак, прво и основно, бидете свесни и знајте дека вашето тело е во состојба на адаптација, бидете љубезни и трпеливи со себеси и дадете си на себеси малку време за приспособување.

Важно е да му дадете на телото она што го пропуштило во текот на зимата: сонце, свеж воздух и богата витаминска исхрана!

Кога веќе е испратен директен сигнал на телото, следен чекор е повеќе време за повеќе активности!


Споделете со пријателите!