Според истражувачите подобро е да се инвестира во превентивната медицина и иновациите коишто таа ги нуди, наместо да се лекуваат пациентите коишто веќе се болни
Иновациите во превентивната, персонализирана и прецизна медицина (ППМ) имаат потенцијал да дадат огромни општествени придобивки, но сепак, постои недостиг на мотивација од нивното развивање, истакнува неодамнешната колумна објавена во медицинскиот неделен журнал The Lancet.
„Овој тип на иновации фокусирани на редуцирањето на срцевите болести, би имале огромна општествена придобивка, бидејќи срцевите болести се многу чести и имаат релативно голем ефект врз времетраењето на животот на заболените. Другите болести како мозочен удар или болести на белите дробови се многу помалку застапени и нудат помали можности за создавање на дополнителни години здрав живот со намалување на зачестеноста од повторна појава“, тврди Д-р Виктор Џау – Victor J. Dzau, претседател на Институтот за Медицина – Institute of Medicine.
Истражувачите користеле модел за здравствена симулација кој постоел од претходно, за да ја проценат користа и трошоците за иновациите во персонализираната прецизна медицина (ППМ), кои потенцијално би можеле да ја подобрат идентификацијата и пресимптоматските резултати, кај пациентите кај кои постои поголем ризик од појава на заболувањата. Д-р Џау и неговите колеги почнувајќи од 2012 година ги анализирале превентивните интервенции, со цел да ги намалат за одреден процент случаите на рак, дијабетес, срцеви проблеми, мозочен удар, болести на белите дробови и хипертензија. Потребно било интервенциите да се одржливи во текот на целиот живот.
Анализата, која ја земала предвид генерираната здравствена вредност од 2012 па сè до 2060 година, открила дека дури и 10% намалување на една од шесте најчести болести, потенцијално би можела да заштеди помеѓу 33 до 114 билиони американски долари, но и да обезбеди подолг и поздрав живот. ППМ иновациите имаат најголема вредност кај срцевите заболувања, поради високата стапка на појава на болестите, како и поради влијанието врз животниот век. Научниците забележале дека вредноста на развојот на овие иновации во голема мера е поврзана со појавата и зачестеноста на одредената болест.
Подобро е да спречиш, отколку да лечиш.
Според истражувачите подобро е да се инвестира во превентивната медицина и иновациите коишто таа ги нуди, наместо да се лекуваат пациентите коишто веќе се болни. Давање приоритет на лечењето на болните пациенти, наместо инвестирање во превенцијата на болестите не е тренд само во САД. Истото не засега и нас. Научниците претпоставуваат дека тоа најверојатно се должи на желбата за брз профит, наместо долгорочни и сигурни инвестиции, како и поради фактот што надоместокот за испитувањата е базиран на трошоци, наместо на вредности. Д-р Џау и неговите соработници признаа дека ППМ третманите би можеле да дадат помалку вредност во целост, но можат да обезбедат поголеми краткорочни враќања на трошоците.
