Појасите за трудници ги ублажуваат болките во грбот за време на бременоста
За време на бременоста многу често се јавуваат болки во долниот дел на грбот и кај мускулите по должината на рбетот. Како причина за овие болки се јавуваат промените во држењето на телото и во хормоналната рамнотежа. Лигаментите и зглобовите стануваат пофлексибилни и сето тоа влијае на грбот, па се јавуваат појаки или послаби болки. Како што се зголемува стомакот и неговата тежина, така се менува и држењето на телото додека стоите или одите и тоа претставува дополнителен притисок и болки во грбот.
Но, болките во грбот не треба да претставуваат сигнал за мирување во време на бременоста туку напротив, промена на начинот на живот и на секојдневните активности. Потребно е да се прават одредени вежби и активности, со цел да се намалат промените коишто може да настанат и да не дојде до ’рбетен деформитет.
Како да се намали болката?
- Да се обрне внимание на држењето на телото – грбот да биде исправен и да стоите исправено;
- Честа промена на позициите без предолго седење или стоење;
- Да не се носат тешки работи;
- Да се носат чевли со пониска пета – не целосно рамна и не високи потпетици;
- Редовно вежбање и движење;
- Избегнувајте ненадејни движења;
- Додека спиете може да поставите перница помеѓу колената и уште една во пределот под стомакот;
- Посетете блага масажа од страна на професионално лице;
- Не земајте лекови за ублажување болки на своја рака.
Што се однесува до вежбањето препорачуваме вежби кои може да ги прават трудниците, со претходна консултација од лекар, за зајакнување на мускулите на грбот и намалување на болката. Во праксата е покажано дека е најубаво да се почне пред бременоста, меѓутоа и кога ќе се појават симптомите и болката не е предоцна. Може да ги правите сите вежби или оние кои највеќе ви пријаат. Ако болката е веќе присутна почнете со вежбање во легната позиција на грбот. Вежбите правете ги постепено, со пауза после секое движење за мускулите да може да се релаксираат и не заборавајте на правилното дишење.
Кога ќе завршите со вежбањето легнете во некоја релаксирачка положба, по можност на лева страна да овозможите нормална циркулација на крвта помеѓу вас и бебето. Колку и да се вежбите добри и ви помагаат, сепак во никој случај не треба да се претерува. Ако за време на вежбањето почувствувате несекојдневна болка, прекинете и заземете релаксирачка положба. Доколку никогаш не сте вежбале и не сакате да го правите тоа во текот на бременоста може да си помогнете со посета на професионална масажа како и честа промена на положбите кои ги завземате при изведување на секојдневните активности.
За ублажување на болките препорачуваме појаси за трудници изработени од високо – еластични ленти со отвори на структурата коишто овозможуваат размена на воздух и вентилација. Удобни и пријатни при допир со кожа, даваат поддршка на грбот и стомакот со цел да ослободат од болки за време на бременост.
Сите модели на појаси за трудници може да ги добиете во продавницата
„СуперОрто“ која се наоѓа во С.Ц. Борис Трајковски
www.superortho.com.mk
www.facebook.com/superorthomk.com.mk
тел: 02/309-5002
моб: 070/215-994
* комерцијален текст
