Ефектот од пристапувањето кон мнозинството е дел од друга, поширока, група на когнитивни нарушувања или ментални грешки што влијаат на индивидуалната проценка и одлуки.
Ефектот од присоединување кон мнозинството ја опишува склоноста на луѓето да прифатат одредено однесување, стил или став само затоа што го прават сите други.
Колку повеќе луѓе се обединат околу еден тренд, толку е поголема веројатноста и другите да се приклучат.
Ефектот од пристапувањето кон мнозинството е дел од друга, поширока, група на когнитивни нарушувања или ментални грешки што влијаат на индивидуалната проценка и одлуки. Когнитивните искривувања често се случуваат за да им помогнат на луѓето да размислуваат побрзо и да донесат одреден став или одлука, но подоцна се покажува дека тоа е погрешно или одлуката била подведувачка.
Како се манифестира ефектот на приклучување кон мнозинството?
Мода: Многу луѓе почнуваат да се облекуваат на одреден начин затоа што гледаат дека други го прават тоа.
Музика: Колку повеќе луѓе слушаат одредена песна или бенд, толку е поголема веројатноста другите да се интересираат за неа.
Социјални мрежи: Како што се зголемува бројот на луѓе кои им се придружуваат, така се зголемува и интересот за оние кои сè уште не се вклучиле.
Истото важи и за споделување на објави, како и за комуникацијата во групи создадени на социјални мрежи.
Диети: Одредена диета им се чини сè попривлечна на луѓето ако забележат дека е релевантна и дека многу други се префрлиле на неа.
Политички избори: луѓето имаат тенденција да гласаат за кандидатот за кој другите мислат дека има најголеми шанси за победа.
Што нè тера да се приклучиме на мнозинството? Зошто всушност се јавува овој ефект?
Поединците се многу подложни на влијание, притисок и норми наметнати од групи. Ако мнозинството од групата постапува на одреден начин, на поединците кои имаат различен став, (кој може да е и по разумен од оној на „стадото“) им е тешко да се изразат и да се отцепат од нив. Едноставната причина за тоа е притисокот и неприфаќањето или социјална маргинализација.
Притисокот може да влијае на различни аспекти на однесување, од стилот на облекување до претпочитање на кандидат на политички избори итн.
Фактори кои доведуваат до ефект на приклучување кон мнозинството.
Групно размислување
Во суштина, овој ефект е еден вид групно однесување. Колку е поголем бројот на луѓе кои се страствени за одредена мода или тренд, толку е поголема можноста другите да одлучат да ги следат. Фактот дека повеќето прават нешто на специфичен начин врши сериозен притисок врз другите да се усогласат. Затоа, ефектот од приклучувањето се пренесува толку лесно и брзо.
Желбата да се биде во право!
Секој сака да биде во право. Да се биде на страната на победникот. Една од причините што луѓето следат некого е тоа што тие се консултираат и бараат информации од другите членови на нивната група за она што е прифатливо или правилно. Доколку забележат дека сите околу нив преземаат одредена акција, поединецот кој се уште не чувствува групна припадност, останува со впечаток дека изборот на групата е вистинскиот избор.
Потребата да бидете дел од една целина.
Стравот од исклучување од групата игра значајна улога во ефектот на приклучување кон мнозинството. Во принцип, никој не сака да биде странец кој е изолиран и гледа од страна што се случува. Следејќи ги другите членови, се чувствува како дел од кохезивен тим. Ова е форма на социјално прифаќање. Во суштината на човечкото постоење е да биде прифатен и да се допадне. За да се задоволи оваа потреба, човекот е охрабрен да се придржува до нормите и ставовите на мнозинството за да бидат прифатени и „лајкуван“.
Иако ефектот од приклучување кон мнозинството е многу силен и брзо ги обликува трендовите, реактивноста и динамиката се исто така многу големи. Луѓето можат да се приклучат на група во еден момент и да се отцепат од неа во следниот момент. Ова веројатно го објаснува краткото траење на трендовите како целина.
Негативни и опасни последици од ефектот на приклучување кон мнозинството
- Во повеќето случаи, трендовите се релативно безбедни – на пример, мода, музика, трендови во поп-културата итн.
- Во други ситуации, сепак, тие можат да бидат опасни.
- Кога станува збор за идеи што даваат насоки за здравствени проблеми, ефектот може да има сериозни несакани последици.
Еве два примери на штетни последици од ефектот на пристапување кон групата.
Движењето против вакцините
Луѓето погодени од ова движење имаат тенденција да ги избегнуваат имунизациите потребни за нивните деца. Зголемувањето на стигмата против вакцините е поврзано со зголемување на сипаниците.
Гласање за време на политички избори
Истражувачите откриле дека кога луѓето ќе научат име на кандидат за кого се очекува да победи на избори, според анкетите, тие имаат тенденција да ги менуваат преференциите и да гласаат за „очекуваниот“ конечен победник. Студија спроведена за време на изборите во САД во 1992 година покажа дека студентите кои дознале дека Клинтон ја води трката, одлучиле да го сменат првичниот избор од Буш во Клинтон.
Се разбира, ефектот од приклучување кон мнозинството има и свои позитивни страни. Тие повторно се претежно поврзани со здрав начин на живот.
Секој од нас ја забележува тенденцијата за откажување од пушењето. Под влијание на тоа, се почести се случаите на луѓе кои решиле да се откажат од пушењето. Истото важи и за други корисни навики како што се спортот. Ваквите склоности можат да имаат само позитивен ефект, помагајќи ни да живееме поцелосно и здраво.
