Споделете со пријателите!
Фахити со пилешко е вистинскиот избор за ручек доколку уживате во зачинета храна
Фахити е јадење карактеристично за мексиканската кујна, а најтипично е во комбинација со пилешко. Друга негова одлика е лутиот и зачинет вкус. За да добиете зачин по ваш вкус, експериментирајте и прилагодете ги количините по желба. Исто така, фахитите може да ги направите и вегетаријански, со додавање зеленчуци, како тиквици и модри патлиџани наместо пилешко.
За пилешкото:
- 600 – 700 г пилешки гради;
- 1 ½ – 2 лажички мелен кумин;
- 1 лажичка црвен пипер (лут, ако јадете луто);
- 2 чешниња лук, истолчени;
- ½ лажиче сол;
- ½ лажиче свежо мелен црн бибер;
- сок од половина лимон;
- 2 – 3 лажици маслиново масло.
* Исечете го пилешкото на ленти, помешајте го со другите состојки и оставете го да се маринира додека ги сецкате и подготвувате останатите состојки.
Останати состојки:
- масло;
- 1 голем кромид;
- 2 – 3 пиперки (жолти и црвени бабури или обични зелени пиперки);
- 1 лажиче кумин
- сол.
* Исецкајте ги кромидот и пиперките на тенки резанки.
Во друго тавче, исто така загреано на јако, во малку масло ставете го да се пржи кромидот, со зачините, без да го мешате многу, а по 2 – 3 минути и пиперките. не ги мешајте пиперките и кромидот често, гответе ги кратко, само малку да омекнат и да се заруменат по краевите.
Веднаш послужете ги тортиљите со пилешкото и пиперките и кромидот и со овие додатоци:
- варена пченка;
- гвакамоли (или авокадо на резанки);
- кисела павлака;
- лут сос од халапењо пиперки;
- сос од пржени домати.
По желба, може да додадете и црн грав, свежи домати, крaставица или рендан кашкавал.
* рецептите со во целост преземени од ситно сецкано
Споделете со пријателите!
