nov-vid-na-lamba-koja-se-grizi-za-vaseto-zdravje_image
Споделете со пријателите!

Ламба која се грижи за вашето здравје така што го зема во предвид часот, временските услови и уште многу други работи кога ја осветлува просторијата     
Секојдневните обврски понекогаш не ни дозволуваат ни да излеземе на дневна светлина. Постојаната изложеност на вештачка светлина може да се одрази лошо на нашето здравје.

Светлината од ламбите во домот, од компјутерот, од телефонот… Сите овие видови на вештачка светлина можат да ни го нарушат здравјето.

Но благодарение на повеќегодишно истражување, тука е новата Арио – Ario ламба, која според научниците кои работеле на неа, се грижи за нашето здравје.

„Арио ламбата е еколошка и работи на LED систем за осветлување од 150 вати“

Арио ламбата не изгледа поразлично од веќе постоечките ламби. Меѓутоа, нејзината внатрешност и начинот на кој таа функционира, навистина се разликува од останатите ламби. Арио ламбата е еколошка и работи на LED систем за осветлување од 150 вати. Овој систем вклучува опција за насочување на светлината од ламбата. Кога е ден, ламбата ја насочува светлината нагоре за да ја исполни просторијата со светлина, а кога е ноќ светлината е насочена надолу за постепено да можеме да се подготвиме за спиење.

Токму поради ваквите карактеристики, оваа ламба се смета за првата ламба која се грижи за нашето здравје.

Освен насочувањето на светлината, ламбата има и други карактеристики. Може да се поврзе со било каква Wi-Fi конекција и се вклучува за околу три минути. Додека се вклучува, ламбата точно ја одредува нашата локација на планетата.

Ламбата зема во предвид колку е часот, какво е времето надвор и го знае дури и годишното време.

„Арио ламбата може да се приспособи на нашиот деноноќен ритам и на тој начин да произведе најоптимално осветлување “

На тој начин, таа го произведува најдоброто оптимално осветлување. На пример, наутро ламбата би произвела слаба светлина, а потоа во текот на денот светлината би станала поинтензивна. Навечер, ламбата повторно постепено би ја намалила светлината. Исто така, Арио ламбата може и да се приспособи на нашиот деноноќен ритам. Доколку стануваме пред зори, можеме да ја наместиме да нè разбуди во одредено време. Исто така, ламбата може да се приспособи да произведува посилна светлина подоцна во текот на ноќта доколку ни е потребно. 

Прочитајте:  Нов кондом тенок колку влакно

Ario ламбата и нејзините здравствени придобивки се резултат на 15 годишно истражување. Научниците велат дека некои од здравствените придобивки се подобар сон во текот на ноќта, повеќе енергија во текот на денот, подобра контрола на стресот и телесната тежина како и зајакнат имунолошки систем. Според нив, преголема изложеност на луѓето на вештачка светлина може да предизвика последици како пораст на стапката на дебелина и зголемено ниво на холестерол. Тие додаваат дека Арио ламбата го зема во предвид нашиот деноноќен ритам и ја приспособува светлината според него, а со тоа се грижи за нашето здравје.


Споделете со пријателите!