Ако се фатите себе си да се борите против спиењето во средината на денот, а вие сте некаде каде што можете да си дремнете, направете го тоа.
Скоро секој од нас е запознат со чувството на поспаност за време на попладневните часови. Потребата за дневна дремка најчесто се случува во периодот околу 1 до 3 часот попладне независно дали сме изеле оброк или не, и е предизвикана од природниот ритам за будност. Значи, ако се фатите себе си да се борите против спиењето во средината на денот, а вие сте некаде каде што можете да си дремнете, направете го тоа.
Освен тоа што ќе бидете по свежи после будењето, дремката има и други бенефити.
Зошто ни се јавува потребата за дремка преку ден?
- да се надокнади изгубен сон во текот на ноќта.
- во очекување на неможност да се одвива ноќниот сон (ноќни смени, патување во текот на ноќта), за да не се чувствуваме поспани подоцна.
- заради уживање, здодевност или да помине време.
Дневната дремка е релативно честа појава. Всушност, околу 50 проценти од испитаниците дремнуваме во текот на денот најмалку еднаш неделно.
Оваа стапка е поголема во земји како Грција, Бразил и Мексико, кои имаат култура на сиеста, која на почетокот на попладнето вклучува „тивко време“ . Во такви земји, дури 72 проценти од луѓето преспиваат на пладне четири пати неделно.
Дневните дремки не се корисни само затоа што ќе се чувствуваме помалку поспани и свежи, туку и затоа што тие ја подобруваат когнитивната функција, времето на реакција, краткотрајната меморија, па дури и расположението.
Испитувањата од едно истражување на група луѓе сугерира дека моторното учење, при кое мозочните патеки се менуваат како одговор при учењето на новата вештина, е значително поголемо после попладневна дремка одколку пред тоа.
Всушност, севкупните придобивки од дневната дремка се слични на оние кои се добиваат при консумирање на кофеин (или други супстанции за стимулација), но без несакани ефекти кои се јавуваат при консумирање на кофеин, како што е зависност од кофеин или нарушен сон во текот на ноќта.
Колку долго треба да се одмори?
Износот на времето што го поминувате во одмор навистина зависи од времето кое го имате на располагање, како сакате дневната дремка да се одрази на вашето функционирање, и вашите планови за ноќта што следи. Општо земено, колку е подолга дремката, толку подолго ќе се чувствувате освежени по будењето.
Долгите дремки односно преспивања од еден до два часа во текот на попладнето ќе значат дека сте помалку поспани (и бараат помалку спиење) таа ноќ. Ова може да значи дека ќе ви треба подолго време од вообичаено за заспивање.
Ако планирате да останете будни подолго од вообичаеното во текот на ноќта, тогаш би било добро да ја темпирате вашата дремка да трае 1,5 часа.
Ова време е должината на еден нормален циклус на спиење. Ќе бидете во длабок сон околу еден час, после кој што ќе следи лесен сон за последниот половина час. Будењето за време на лесен сон ќе ве остави со чувство на освеженост и будност. Но доколку се разбудите за време на длабок сон ќе се чувствувате уморно и нерасположено.
Друга опција е да имате кратка „дремка“ од 10-15 минути, која може значително да ја подобри будноста, когнитивните перформанси и расположението речиси веднаш по будењето. Придобивките од ваквите краткотрајни дремки обично траат неколку часа. Овој тип на „дремки за сила“ се одлични затоа што нема да почувствувате слабост или чувство на поспаност по будењето, што се должи на тоа дека не влегувате во длабок сон за толку кратко време.
Истражувањата сугерираат дека краткото, 15-20 минутно рано попладневно дремење обезбедува најголема стапка на рејувинација кога се споредува со дремките во кое било друго време од денот.
Меѓутоа, ако се борите да останете будни, кратка дремка во било кое време од денот може да ви помогне да останете свесни и способни за завршување на обврските.
