kako-kofeinot-vlijae-na-decata_image
Споделете со пријателите!

Кофеинот е дефиниран како лек, бидејќи го стимулира централниот нервен систем.
Храна и пијалоци што содржат со кофеин може да најдете насекаде, но она што е важно и што експертите секојдневно го препорачуваат е неговата консумација да се задржи на минимум, особено кај помладите деца.

Кофеинот е дефиниран како стимулативно средство, бидејќи го стимулира централниот нервен систем. Тој влијае слично кај децата и возрасните и може да направи да се чувствуваат поживи и енергични.

Како кофеинот влијае на организмот?

И кај децата и кај возрасните, преголемо количество кофеин може да предизвика:

  • нервоза;
  • болка во стомакот;
  • главоболка;
  • потешкотии со концентрацијата;
  • проблеми со спиењето;
  • забрзано чукање на срцето;
  • зголемен крвен притисок.

Особено кај младите деца доволно е многу мало количество кофеин за појава на некои од претходно споменатите симптоми.

Зошто треба да се намали консумацијата на кофеин?

Децата често го внесуваат кофеинот преку консумацијата на безалкохолни пијалаци. Оние кои секојдневно пијат еден или повеќе засладени безалкохолни пијалоци имаат 60% поголеми шанси да имаат прекумерна телесна тежина.

„Кофеинот е дефиниран како стимулативно средство, бидејќи го стимулира централниот нервен систем“

Пијалоците што содржат кофеин често содржат празни калории и децата кои ги консумираат истите не успеваат да ги внесат потребните витамини и минерали од здрави извори. Преголемо количество газирани сокови, како замена за здрави течности, како млекото, значи и недоволно количество на калциум којшто на децата им е потребен за развојот и растот на здрави силни коски и заби.

Преголемата консумација на засладени пијалоци што содржат кофеин може да доведе и до појава на забен кариес заради високата содржина на шеќер, како и оштетување на забната глеѓ од високото ниво на киселост.

Кофеинот е диуретик кој предизвикува телото да се ослободува од водата што може да придонесе за дехидрација на организмот. Се препорачува да се избегнува прекумерна консумација на кофеин кај децата особено во топло време, кога тие треба да надоместат за изгубените течности преку секојдневното потење. Исто така, кофеинот може да предизвика проблеми со срцето или влошување на симптомите на некои нервни нарушувања кај децата коишто страдаат од истите.

Прочитајте:  Научете за женските хормони за да ги разберете жените

Што претставува чувствителност на кофеин?

Чувствителноста на кофеин се однесува на нивото на кофеин коешто би предизвикало било каков ефект кај некого. Во просек, колку е помало лицето, толку помалку кофеин е потребно за да се предизвикаат некои несакани ефекти. Сепак, чувствителноста на кофеин се развива на различен начин и најчесто влијае од секојдневната доза на кофеин што се внесува во организмот.

Луѓето коишто редовно пијат кофеински пијалоци наскоро развиваат намалена чувствителност кон него. Ова значи дека ним им се потребни повисоки дози на кофеин за да се постигне одреден ефект за разлика од на оние што не пијат кофеински пијалаци многу често. Во принцип, децата се почувствителни на кофеин од возрасните лица и тие може да ги чувствуваат ефектите до 6 часа.

Која храна и пијалаци содржат кофеин?

Кофеинот се произведува природно од листовите и семето на многу растенија. Тој, исто така, може да се произведе вештачки и да се додаде во одредени видови храна и пијалаци. Децата најчесто го внесуваат кофеинот од газирани пијалаци, но тој може да се најде во кафе, чај, чоколадо, сладолед или замрзнат јогурт од кафе, како и во некои типови на лекови за намалување на болка.
kako-kofeinot-vlijae-na-decata_image2

Како да се намали со консумација на кофеин?

Најдобар начин да се намали внесувањето на кофеин кај децата е да се елиминираат газираните сокови. Наместо тоа, децата треба да пијат вода, млеко и природни овошни сокови. Тие сè уште повремено би консумирале газирани сокови, но се препорачува да не се консумираат редовно.


Споделете со пријателите!