najchestite-problemi-povrzani-so-zhenskoto-zdravje_image
Споделете со пријателите!

После дваесет и две години откако земјите од светот ја потпишаа „Пекиншката декларација и Платформата за акција“, жените сè уште се соочуваат со многу здравствени проблеми
Меѓународниот ден на жената е ден кога се одбележува борбата на жените за економска, политичка и социјална рамноправност со мажите. Тука спаѓа и правото на здравје и здравствена заштита. Од 1995 година досега, поминат е долг пат и жените треба да ги слават достигнувањата, но воедно треба да се направи преглед токму на состојбата на женското здравје. После дваесет и две години откако земјите од светот ја потпишаа „Пекиншката декларација и Платформата за акција“, жените сè уште се соочуваат со многу здравствени проблеми коишто треба да се адресираат.

Рак

Два од најчестите видови на рак кај жените, се рак на дојка и рак на грлото на матката. Раната детекција за овие видови на рак ги одржува жените здрави и го продолжува нивниот животен век. Најновите светски податоци говорат дека околу половина милион жени ја губат борбата со ракот на грлото на матката и исто толку умираат од рак на дојка, секоја година. Најголемиот број на овие случаи, се јавува кај земјите со низок и среден приход, каде што скринингот, превенцијата и третманот се речиси непостоечки, а дополнително треба да се воведе вакцинацијата против ХПВ.

Репродуктивно здравје

Сексуалното и репродуктивното здравје опфаќа една третина од здравствените проблеми кај жените од 15 до 44 години. Незаштитениот сексуален однос е голем ризик фактор, особено кај жените и девојките во земјите во развој.

Здравје на мајките

Во 2013 година, на светско ниво, скоро 300 илјади жени умреле од компликации при бременост и породување. Многу од овие загуби би биле превенирани, доколку овие жени имале пристап до информации за семејно планирање и основни здравствени услуги.

Прочитајте:  Како да ги препознаете зимските алергии

Останатите важни проблеми поврзани со женското здравје коишто заслужуваат големо внимание на светско ниво се: ХИВ, сексуално преносливи инфекции, насилство врз жените, ментално здравје, незаразни болести (НЗБ), младост (секоја година околу 13 милиони девојки во периодот на адолесценција, раѓаат пред својата 20-та година), старост (комбинацијата од сиромаштија и заболувањата карактеристични за старост како деменција, резултира со лошо здравје).
najchestite-problemi-povrzani-so-zhenskoto-zdravje_image2

Република Македонија е потписник на Пекиншката Декларација и Платформа за акција (1995) и во извештајот од 2015 година, стои дека:

„Институтот за јавно здравје во периодот 2009-2013 година ги предлагаше програмските активности од доменот на постигнување на родова еднаквост и зајакнување на жените во рамки на Националната годишна програма за јавното здравје во РМ, Програмата за рано откривање на малигни заболувања во РМ, Програмата за превенција на кардиоваскуларните заболувања во РМ, Програмата Здравје за сите, Програмата за заштита на населението од ХИВ/СИДА во РМ, Програмата за задолжителна имунизација на населението во РМ, Програмата за активна здравствена заштита на мајки и деца во РМ и др.“

„Институтот за јавно здравје во периодот 2009-2013 година ги предлагаше програмските активности од доменот на постигнување на родова еднаквост и зајакнување на жените“

„(…)Во периодот 2009-2013 година генерално се зголемени активностите, а воедно и средствата за нивна реализација со цел за остварување на правата од областа на здравството во врска со родовата рамноправност и зајакнување на жените и тоа посебно во доменот на промоцијата на здравјето, раното откривање на болестите преку скрининг програмите, подготовка на нови статистички евиденциони обрасци за водење на 34 регистри за одредени болести и состојби со родова перспектива, подобрување на достапноста до здравствени услуги на жените преку унапредување на сексуалното и репродуктивно здравје, подобрување на можностите за избор на матичен лекар и посебно матичен гинеколог и друго.“


Споделете со пријателите!