Споделете со пријателите!
Самопрегледот е многу важен за рано откривање на рак на тестиси
Месец ноември е одреден како месец на машкото здравје со цел за да ја зголеми свеста кај мажите за своето здравје. Поголемата свесност како и информираноста за најчестите машки заболувања, можат многу да помогнат, да спречат и да излечат конкретна болест. Раната дијагноза е некогаш единствениот начин да се изборите со болеста, особено со малигните заболувања. Важен податок за ракот на тестиси е дека тој најчесто се јавува кај мажи помлади од 35 години. Редовниот самопреглед е многу важен за поставување на рана дијагноза, што значи самопрегледот спасува живот. Како што е неопходна месечна самостојна проверка за рак на дојка кај жените, исто така неопходна е и редовна проверка на тестисите кај мажите. Кај оние мажи кои имаат позитивна семејна анамнеза, неспуштен тестис или веќе имале рак на тестиси, самопрегледите треба да се извршуваат секој месец.
Еве постапно како да го изведите самопрегледот:
- Најдобро е прегледот да го направите после туширање, бидејќи тогаш кожата на скротумот е релаксирана и топла. Најдобра позиција за испитување е додека стоите. Најпрво погледнете се во огледало и забележете дали има некоја видна невообичаена промена на тестисите, односно асиметрија. Нормално е доколку едниот тестис е малку потспуштен или поголем од другиот;
- Започнете со палпација. Со едната рака стабилизирајте го тестисот. Со прстите на другата рака и палецот, направете темелна палпација. Палецот треба да биде напред, а од другата страна на тестисот, показалецот и средниот прст. Прегледот треба да трае 30 секунди. Нема потреба премногу силно да се напипува тестисот, бидејќи доколку има грутка таа со лесно се забележува. Истото повторете го на другиот тестис;
- Доколку при прегледот забележите јазол, потврдо место како зрно грашок или грутка на тестисот, веднаш обратете се кај уролог. Истото направете го и доколку забележите оток или ненадејна болка која трае повеќе од неколку минути.
ЗАПАМЕТЕТЕ дека повеќето видови за рак на тестиси се лекуваат, но исто така имајте на ум дека во некои случаи, воопшто не се појавуваат симптоми на рак, сè додека не стигнат во напредна фаза.
Погледнете го видеото во продоложение за точно да видите како се извршува самопрегледот на тестиси:
Споделете со пријателите!
