Нов корона вирус, се рашири низ Кина откако прво се појави во централниот кинески град Вухан. Да се подсетиме како се ширеше ретроградно актуелната закана за светот
Еве сè што треба да знаете за корона вирусот што се шири од Кина, мистериозна болест која наликува на САРС, се рашири низ Кина и уште три други Азиски земји откако се појави во централниот кинески град Вухан.
Да се подсетиме како се одвива ретроградно актуелната закана за светот
Aлармoт е уклучен!
Светската здравствена организација (СЗО) е алармирана на 31 декември 2019 година, од кинеските власти за низа случаи поврзани со пневмонија во Вухан, град со 11 милиони луѓе. Пациентите се ставени во карантин и е започната процедура за идентификување на потеклото на пневмонијата. Центрите за контрола и превенција на болести во САД (CDC) идентификуваат и предпоставуваат дека пазар на морска храна е во центарот на случувањата. Случајот се затвара на 1 јануари 2020 година.
Нов коронавирус
На 9 јануари СЗО вели дека избувнувањето во Вухан било предизвикано од претходно непознат вид коронавирус, кој е од широкото семејство вируси, оние што научниците ги нарекуваат зоонози, што значи дека можат да се пренесат од животни на луѓето. До 21.1.2020 се заразени 59 лица од кои седум се во сериозна состојба, според официјалениот број на жртви.
Прв смртен случај
Кинеските здравствени власти велат дека првото лице починало од вирусот на 11 јануари 2020. Тие го ревидираат надолу бројот на болни на 41.
Се шири и надвор од Кина
На 13 јануари, вирусот за прв пат се шири преку границите на Кина, со случајот што се појави во Тајланд, според СЗО.
Жртвата е жена од Кина дијагностицирана со лесна пневмонија која се враќала од патување во Вухан.
На 15 јануари 2020 Кинеската здравствена комисија соопшти дека досега не е потврдено пренесување на вирусот од човек на човек и неговата поврзаност со Вухан, но можноста „не може да се исклучи“. Следниот ден се потврдува првиот случај на вирусот во Јапонија кај некој кој останал во Вухан на почетокот на јануари.
Контрола на САД
На 17 јануари, второ лице, 69-годишен маж, умира во Вухан, според надлежните. Истиот ден, ЦДЦ објави дека ќе започне со скрининг на патниците кои пристигнуваат од Вухан на три аеродроми: Сан Франциско, Њујорк – ЏФК и Лос Анџелес.
Потврдено е пренесување од човек на човек
На 20 јануари во Кина е најавена трета смрт и повеќе од 100 нови случаи, предизвикувајќи загриженост пред годишниот празник на Лунарната Нова Година, кој започнува на 25 јануари кое што значи дека стотици милиони Кинези патуваат на национално ниво.
Вирусот е присутен во Пекинг на север, Шангај на исток и Шенжен на југ. Забележани се повеќе од 200 случаи. Вирусот е откриен и во Јужна Кореја кај кинеско лице кое пристигнало со авион од Вухан.
Преносот од човек на човек е „потврден“, објавува врвен кинески експерт за заразни болести Zhong Nanshan за CCTV.
Симптоми на Корона вирус
Симптомите на коронавирус вклучуваат обична настинка, течење на носот, кашлица, болки во грлото, евентуално главоболка и можеби треска, која може да трае неколку дена. За оние со ослабен имунолошки систем, постари лица и многу млади, постои шанса вирусот да предизвика многу посериозни болести на респираторниот тракт како пневмонија или бронхитис и посериозни болести како САРС (Тежок акутен респираторен синдром). САРС е прво идентификуван во провинцијата Гуангдонг во јужна Кина, според СЗО, предизвикува респираторни проблеми, но може да предизвика и дијареја, замор, останување без здив, респираторен дистрес и откажување на бубрезите. Во зависност од возраста на пациентот, стапката на смртност со САРС се движеше од 0-50%. MERS или Респираторниот синдром на Блискиот исток, познат и како вирус MERS, првпат бил пријавен на Блискиот исток во 2012 година и исто така предизвикува респираторни проблеми, но тие симптоми се многу потешки. Три до четири од секои 10 пациенти заразени со MERS починале, според CDC.
Како да постапам ако имам корона вирус?
Корона вирусите немаат специфичен третман. Кај поголемиот дел од случаите, симптомите ќе исчезнат самостојно. Лекарите можат да ги олеснат симптомите со пропишување на лекови за болка или треска. Овлажнител на просторијата или топол туш може да помогне при болно грло или кашлица. Пијте многу течности, одморете се и спијте колку што е можно повеќе. Ако симптомите се влошуваат и се полоши од вообичаената настинка, посетете го вашиот лекар.
Како може да го спречите вирусот?
До сега нема вакцина за заштита од ова семејство на вируси.
Во тек се испитувања за вакцина против Мерс. Можеби ќе можете да го намалите ризикот од инфекција избегнувајќи ги луѓето кои се болни. Обидете се да избегнете допирање на очите, носот и устата. Мијте ги рацете често со сапун и вода и најмалку 20 секунди. Ако сте болни, останете дома и избегнувајте гужви и контакти со другите. Покријте ја устата и носот кога кашлате или кивате и дезинфицирајте ги предметите и површините што ги допирате.
