Нова научна студија открива дека свесната терапија е одлична додатна терапија и надополнување на конвенционалната терапија против депресија и дека функционира како и лековите против ова душевно заболување
Инспирирана делумно од страна на будистичката филозофија и другите контемплативни традиции, свесноста (mindfulness) вклучува вежбање на мозокот за полесно справување со негативните емоции, користејќи техники за дишење, јога и медитација. Техниките за вежбање на свесноста, мисловно набљудувајќи го светот и фокусирајќи се на сегашниот момент наместо на минатото или иднината. „Мајндфулнес“ техниките нè враќаат во моментот и потсетуваат дека треба да се фокусираме на решението и нè учат на вештини како да го смириме и контролираме немирниот ум.
Покрај тоа што оваа источна практика е доста критикувана, а голем дел на луѓето имаат недоверба но неа како недоволно научно потврдена, една неодамнешна научна анализа за истражувањата на оваа тема, покажа дека когнитивната терапија базирана на свесност (mindfulness-based cognitive therapy – MBCT) на испитаниците им помогна во иста мера како и лековите против депресија. Друго занимливо откритие е тоа дека не постоеле никакви докази дека овој вид техники се штетни.
Во истражувањето, лицата кои страдале од депресија и добиле MBCT, имале за 31% помала шанса да доживеат враќање на болеста наредните 60 дена, истакнаа истражувачите. „Овие нови докази за „мајндфулнес“ когнитивната терапија се охрабрувачки – рече главниот автор на студијата професорот Вилем Кајкен – Willem Kuyken кој е исто така и клинички психолог од Универзитетот во Оксфорд и директор на „Манјдфулнес“ центарот во Оксфорд.
Иако MBCT не е конвенционална терапија, јасно е дека на лицата со склоност кон депресија им нуди целосно нов и едноставен пристап за одржување на добрата ментална состојба на долг рок. Учејќи разновидни вештини, сè што е потребно овие лица да сторат е да воведат некои редовни практики што всушност во одредена мера целосно ќе го променат нивниот начин на живот кон подобро.
Професорот Кајкен исто така додава дека ова е еден вид на ментална обука.
Тоа е вежбање на умот за луѓето да можат да ги видат негативните мисли, негативните чувства, како и раните знаци на повторување на депресијата и да ги научат вештините за да одговорат на нив. Тој исто така, додаде дека секој е различен и разни видови на луѓе имаат потреба од разни видови на „манјдфулнес“ третмани, но и дека на свесната терапија треба да се гледа како на додатна опција покрај лековите и другите форми на лекување.
Една друга научна студија објавена изминатта година, откри дека „мајндфулнес“ терапијата може да биде ефективна како и лековите, сепак повеќе истражувања се потребни за ова целосно да се потврди. „Треба да направиме повеќе истражувања, за да добиеме стапки на излеченост поблиски до 100% и за да помогнеме во превенцијата на првата појава на депресија порано во животот“ – додаде проф. Вилем.
