kolku-son-mu-treba-na-vasheto-bebe-svetlana-smugreska
Споделете со пријателите!

Австралиски научници сметаат дека правилен ритам на спиење е двапати по 4 часа, отколку 8 часа без прекин
Сите лекари, медицински лица и експерти советуваат дека треба да се спие од 7 до 9 часа секоја вечер за соодветен одмор и правилно функционирање во текот на денот. Но, австралиските научници сметаат дека треба да спиеме двапати дневно по 4 часа, наместо 8 часа без прекин. Мелинда Џексон, постар истражувач во Австралискиот универзитет RMIT и Шивон Бенкс, постар истражувач во Центарот за истражување на спиењето при универзитетот на Јужна Австралија, открија дека два засебни периоди на спиење, овозможуваат зголемена активност, продуктивност и енергичност за време на денот, за разлика од долгиот период без спиење.

За оваа теорија всушност постојат многу експерименти и истражувања.

На пример, еден експеримент од 90-тите, покажува како неколку субјекти биле ставани во темна просторија по 14 часа дневно за потребите на студијата којашто траела еден месец. После 4 недели, субјектите започнале регуларно да спијат по 4 часа, се буделе на час или два и потоа спиеле уште 4 часа.

„Нормално е ако во текот на вечерта се будите без причина, бидејќи поголемиот дел од еволуцијата сме спиеле токму така“

Оваа теорија не е ново откритие. Ваков начин на спиење многу се применувал порано и постојат многу примери низ историјата. Во молитвеник од 15 век, молитвите биле специјално распоредени за часовите помеѓу две сеанси на спиење. Но со развојот на технологијата, а најмногу со електричната енергија, односно вештачките извори на осветлување, ваквата рамка за спиење се напушта и со тек на време потполно исчезнува. Психолозите за спиење, истакнуваат дека е сосем нормално ако во текот на вечерта се будите без причина, бидејќи поголемиот дел од еволуцијата сме спиеле токму така, со пауза помеѓу спиењето.

Прочитајте:  Воздухот во канцеларија го забавува вашиот мозок

Споделете со пријателите!