pharmanews-krv-vo-urina-prichini-dijagnoza-lekuvanje
Споделете со пријателите!

Хематурија претставува присуство на крв (еритроцити) во урината. Во однос на бројот на еритроцити во урината, постојат микро и макроеритроцитурија (макроксопска хематурија).

Кои се причините за појава на крв во урина?

Причините за хематурија се бројни а истата може да се јави при:

  • Бубрежни заболувања
  • Хематолошки болести (хемофилија тромбоцитопенија, српеста анемија, таласемија)
  • Кардиовскуларни состојби (декомпензација на срце, тромбоемболиска болест)
  • Гастроентеролошки болести (цироза на црн дроб, проблеми со жолчниот меур, апендицитис, перитонитис)
  • Токсоалергиски реакции.

Хематуриите кои имаат потекло од уринарниот систем се предизвикани од: вродени или стечени аномалии на бубрезите, вродени или стечени заболувања на крвните садови, камења во бубрезите и мочните патишта, примарен гломерулонефритис и секундарни гломерулопатии, воспаление на мочните патишта, неоплазми на бубрезите и мочните патишта.

Како изгледа крв во урината?

Хематуријата може да биде макроскопска (видлива со голо око како кафеаво црвенкасто пребоена урина) или микроскопска (видлива само со микроскопски преглед на урината).

Макроскопската хематурија се карактеризира со кафеаво или црвено пребојување на урината. Урината понекогаш може да добие црвена боја и после јадење на одредени видови намирници (на пример, цвекло).

Хематуријата може да се појави и инцидентно (после некои трауми, тешка физичка работа), повремено (кога има камења во уринарниот систем и инфекции на мочните патишта) или  да е постојана (при паренхимски заболувања на бубрезите).

Дијагноза

Дијагнозата се поставува врз основа на анамнезата, клиничката слика, лабораториски анализи, објективен преглед (палпација на бубрег, ректално туше кај мажите, гинеколошки преглед кај жените). Исто така ако е потребно се прават покомплицрани испитувања како интравенска урографија, цистоскопија, ретроградна уретропиелографија, артериографија и биопсија на бубрег.

Во секој случај, при појава на било какви симптоми, најдобро е да се јавите кај вашиот матичен лекар кој ќе ја одреди дијагнозата и ќе препише соодветна терапија.
Како се лекува?

Хематуријата мора да се лекува каузално, односно во зависност од причинителот. Доколку тоа не е можно, се применува симптоматска терапија. Во случај на масивна хематурија и големи количини на изгубена крв, истата мора да се надокнади со трансфузија.

Прочитајте:  Уринарна инконтиненција при БХП

 


Споделете со пријателите!