Крaставица за здраво срце и убав тен

Прочитајте за бројните здравствени придобивки на крставицата, како и за нејзината широка употреба за нега на лице и тело

Ретко кој плод може да се пофали со толкава долга низа на придобивки по здравјето на човекот како краставицата. Малку е познато дека краставицата не треба да се посолува, бидејќи на тој начин се губат некои нејзини придобивки, односно со додавање на сол се нарушува природниот сооднос на калиум и калциум, кој е заслужен за нејзиното диуретично дејство. Освен во исхраната, краставицата има широка застапеност и во козметиката и негата за лице и тело.

Здравствени придобивки:

• Хидратација. Од нејзиниот состав најголем дел му припаѓа на водата, па така таа е одлична храна за освежување, особено за време на летото.
• Превенција од рак. Таа содржи две компоненти кои имаат антиканцерогено дејство, и кои што ѝ го овозможуваат на краставицата нејзиното дејство како антиоксиданс. Бројните истражувања упатуваат дека таа го намалува ризикот од некои видови на рак како рак на дојка, рак на јајници и рак на простата.
• Го поттикнува слабеењето. Краставицата има многу малку калории, јаглехидрати, масти и холестерол, така што се препорачува како здрава опција за намалување на телесната тежина.
• За здраво срце. Краставицата го поседува минералот потасиум, кој е многу важен за здравјето на срцето, бидејќи го намалува крвниот притисок. Тој е електролит кој е многу важен за одржување на телото во добра форма. Овој минерал го има уште и во бананата, портокалот, доматот.  
• За здрави коски. Поради присуството на витамин К, за здрави коски, се препорачува поголемо внесување на краставица во секојдневната исхрана. Една краставица содржи околу 19 проценти од дневната препорачана доза на витамин К. Заедно со витаминот Д, ја зголемуваат густината на коските, позитивно влијаат на калциумот, и ги намалуваат шансите за скршеници.

Употреба на краставицата за нега на телото и лицето:

• Ја подмладува кожата. Анти инфламаторните компоненти во крaставицата помагаат да се исфрли отпадокот од организмот и ја намалува иритацијата на кожата, затоа таа е дел од многу производи за подмладување на кожата.
• Ја намалува надуеноста под очите. Поради присуството на витаминот Ц кој не дозволува задржување на вода во организмот, краставицата се користи за намалување на надуеноста под очите, бидејќи има смирувачки ефект врз кожата.
• За изгореници од сонце. Поради ефектот на ладење, таа се препорачува и при изгореници од сонце.
• Маски за чистење на лицето – краставицата е богата со хранливи влакна, магнезиум и минерали што го зацврстуваат и затегнуваат ткивото. Затоа таа е најдобро природно решение за чистење на кожата. Неколку листови од нане измешајте со една краставица и едно јајце. Соединетата смеса оставете ја да делува 20 минути на лицето.
• Маска за коса – Оваа маска се препорачува доколку косата била изложена на хлор. Во блендер се мешаат едно јајце, мала краставица и една лажица маслиново масло. Смесата се остава 10 минути на косата , потоа темелно се мие.