korona-infodemija_image
Споделете со пријателите!

Во светот е се поактуелна, а кај нас се поприсутна.
„На свој начин, животот се погрижил во секој момент да го имате она што ви е потребно. Не мечтаете за нешто што во моментов го немате, туку научете како повеќе да го цените и сакате она што веќе го имате“ – Марко Аурелиј

Корона инфодемија

Во светот е се поактуелна, а кај нас се поприсутна.

„Социо-експертите“ препорачуваат: Пушењето или пиењето алкохол може да помогне да се спречи некој да биде заразен со коронавирусот. Лукот може да го зголеми имунитетот и да го намали ризикот за појава. Миленичињата можат да го шират вирусот дома. Коронавирусот е направен како биолошко оружје итн.

Ова се само неколку од многуте гласини што кружат на социјалните медиуми, кои или ја доведоа во заблуда јавноста или предизвикаа масовна паника.

Светската здравствена организација, неодамна ја нарече оваа актуелна состојба „инфодемија“!

Таа може да биде „пречка за добар одговор и да го спречи ефикасното спроведување на контрамерки“. Секој миг, поплава од податоци и безбројни анализи. Преплавувањето со безбројни информации, статистики и спецификации за секојдневниот тек на корона вирусот, ни влева само страв. Тие се покажаа како многу ефикасни за ширење паника и недоверба, што во услови на сериозен здравствен ризик може да предизвика само големи штети.

Социо-економска криза

„Дали е ставен прашалник на нашата како и иднината на нашите најблиски.“

Живот во страв и паника. Страв од можното добивање на вирусот, а неизвесност за она што следува. Ставен прашалник на нашата како и иднината на нашите најблиски. Но, зошто не би го свртиле овој актуелен проблем, па да направиме нешто продуктивно за нас и нашата околина. На свој начин, животот се погрижил во секој момент да го имате она што ви е потребно. Не мечтаете за нешто што во моментов го немате, туку научете како повеќе да го цените и сакате она што веќе го имате.

Прочитајте:  Затворени дома – карантин и справување со него

1. Направете листа со работи што можете да ги направете и организирајте си го денот

Започнете да се будите рано. Научете како продуктивно да го поминувате вашето време, дури и кога сте дома. Бидете креативни, ќе се изненадите од сопствените идеи.

2. Поминете повеќе време со вашата фамилија

Што е со рецептот што никако не можете да најдете време да го направите? Друштвени игри, заедничко време, подготовка на десерт. Се ова можете да го искористите за да поминете квалитетно и продуктивно време со вашата фамилија.

3. Обновете ги старите пријателства

Не ги прегледувајте старите слики одново и одново. На секому ќе му значи повеќе доколку кренете слушалка и го изненадите. И вие ќе се почувствувате многу подобро кога ќе ја слушнете добрата стара пријателка.

4. Вклучете го вежбањето како неизоставен дел од вашиот ден

Вежбањето во текот на денот, ни го зајакнува нашето физичко, како и ментално здравје. Вежбајте минимум 20 минути во текот на денот. Доколку немате идеја, започнете јога или придружете се online на многубројните фитнес тренери.

5. Направете нешто што не сте можеле да го направите претходно

Сигурна сум дека ви доаѓаат на ум милион работи за кои никогаш сте немале доволно време. Зашто да не го искористе ова време да почнете да учите нов јазик, да совладате некои вештини, да го подобрите знаењето, да го исчистите домот, или едноставно да им се препуштите на филмовите?

Не верувајте на се што пишува. Социјалните медиуми баш тоа го сакаат од вас. Понекогаш помалку информации за вас ќе значат повеќе. И самоизолацијата може да биде продуктивна. Започнете да внесувате движења во мали, ситни моменти, ќе бидете благодарни.


Споделете со пријателите!