glutation-antioksidans-koj-se-proizveduva-prirodno-vo-teloto_image
Споделете со пријателите!

Глутатионот делува како магнет за отровите во телото, вклучувајќи ги слободните радикали и различните тешки метали како живата.
„Глутатион е основно средство кое им се спротиставува на токсините во телото, а неговите високи концентрации се показател за добро здравје.“
Еден од најважните антиоксиданси, кој се произведува природно во телото на човекот, се нарекува глутатион. Според хемискиот состав глутатионот претставува мала трипепептидна молекула составена од белковините – глутамин, цистеин и глицин, но таа има исклучително важна функција во телото. Глутатион е основно средство кое им се спротиставува на слободните радикали и токсини во телото, а неговите високи концентрации се показател за добро здравје. Додека пак пониските нивоа се поврзуваат со бројни болести, потиснување на имунолошкиот систем и оштетување на клетките и нивната ДНК. Тајната на глутатион лежи во присуство на елементот сулфур во неговата структура. Тој делува како магнет за отровите во телото, вклучувајќи ги и слободните радикали и различните тешки метали како живата. Така главната функција на глутатион е да ги штити клетките во телото од оштетувачките фактори преку неутрализирање на слободните радикали и токсините. Поради тоа што физичките оптоварувања се поврзани со формирање на голем број слободни радикали, потребата од антиоксидантни материи во телото се зголемува. Доколку не бидат навремено неутрализирани, овие слободни радикали можат да предизвикаат бројни оштетувања на клеточно ниво и да бидат предуслов за развој на микротравматични и дегенеративни болести.

„Како додаток во исхрана глутатион се нуди најчесто во неговата редуцирана формула L-глутатион.“

Додавање на глутатион како додаток во исхрана особено кај лица кои се занимаваат со спорт може да помогне во реконструктивните процеси во телото и да се спротивстави на оксидативниот стрес. Извршувајќи ја детоксикациската акција во телото тој се бори со канцерогените материи, тешки метали, радиоактивни елементи, хербициди, пестициди и др. Ги подобрува перформансите на имунолошкиот систем и влијае врз активноста на имунолошките клетки. Ги зголемува нивоата на енергија преку влијание на биохемиските реакции во клетката. Ја подобрува мускулната функција со зголемување на еластичноста и јачината на мускулите. Доколку постојат оштетени делови од ДНК од слободните радикали, глутатионот практично прави репарација со додавање на недостаток на електрони. Намалувајќи го бројот на оштетените и мутирани клетки го намалува ризикот од малигни и дегенеративни болести. Како додаток во исхрана глутатион се нуди најчесто во неговата редуцирана формула L-глутатион. Често е присутен, и во спортски додатоци и во здравствени прехранбени производи. Дозата е обично помеѓу 50 и 200 мг дневно помеѓу оброците. Не се забележани несакани дејства во препорачаната дневна доза. Во ретки случаи, може да се појави индивидуална интолеранција на производот но секогаш доколку се донесе одлука за земање на додаток во прехрана треба да се консултирате со вашиот лекар.

Прочитајте:  Дали дијабетесот може да предизвика проблеми со меморијата и размислувањето?

Споделете со пријателите!