Од паровите коишто од сите типови на контрацепција се потпираат на машки кондоми, во една година забременуваат околу 15 отсто од жените.
Контрацептивен метод е секој метод кој се користи за да се спречи бременоста. Постојат многу различни методи на контрацепција, вклучувајќи кондоми, спирала, дијафрагма, апчиња за контрацепција и др, коишто штитат од несакана бременост и/или сексуално преносливи болести.
Како да одберете кој контрацептивен метод е за вас и вашиот партнер? Пред да одлучите треба да се запрашате повеќе прашања меѓу кои, колку се ефективни сите различни методи на контрацепција, дали сакате само заштита од несакана бременост или пак и од сексуално преносливи болести, како и кои се несаканите ефекти врз здравјето и плодноста од различните контрацептивни методи.
Во прилог се претствени неколку методи на контрацепција со своите главни карактеристики, предности и недостатоци што би ви помогнале полесно да одлучите.
Кондом за мажи
Кондомот е направен од тенок латекс којшто ги блокира сперматозоидите да не влезат во вагината на жената, што заштитува од бременост и сексуално преносливи болести. Од паровите коишто од сите типови на контрацепција се потпираат на машки кондоми, во една година забременуваат околу 15 отсто од жените.
Предности: Кондомот е економичен и широко достапен и штити од сексуално преносливи болести.
Недостатоци: Кондомот е за еднократна употреба и е ефикасен доколку се користи правилно.
Кондом за жени
Кондомот за жени се одликува со изглед на тенка торбичка со цевчеста форма со два прстени на двата краеви. Женскиот кондом функционира поразлично од машкиот кондом. За разлика од машкиот кондом којшто се става непосредно пред сексот, жената може да го стави кондомот до 8 часа пред сексот.
Предности: Кондомот е широко достапен и нуди одредена заштита од сексуално преносливи болести.
Недостатоци: Околу 21 отсто од жените што ја користат оваа заштита забременуваат. Кондомот не можат да се користи повеќепати и, исто така, не треба да се користи истовремено со машки кондом за да се избегне оштетување.
Дијафрагма
Дијафрагмата е тенка гумена мембрана, која може да биде со различни големини во зависност од вагината на жената. Имено, матичниот доктор/гинеколог секогаш ја одредува големината на дијафрагмата којашто се користи за покривање на цервиксот со цел да се направи бариера помеѓу вагината и грлото на матката. Кога се користи дијафрагмата се препорачува да се користат и спермициди. Во една година, од 100 жени кои ја користат дијафрагмата, 16 забременуваат.
Предности: Дијафрагмата е економична и има повеќекратна употреба.
Недостатоци: Не заштитува од сексуално преносливи болести и не може да се употреби за време на менструалниот циклус поради ризик од токсичен шок синдром.
Спирала (интраутерина влошка)
Бакарната спирала или интраутерина влошка се става во матката на жената. Таа е за долготрајна употреба од 5 години и штити од несакана бременост со тоа што спречува сперматозоидот да стигне до јајце-клетката и да ја оплоди. Помалку од 8 на 1.000 жени забремениле.
Предности: Спиралата е за долготрајна употреба (5 години), но доколку жената одлучи дека сака да остане бремена може да ја извадо во било кое време.
Недостатоци: Спиралата може да предизвика неправилни, подолги или пообилни менструални циклуси.
Контрацептивна инјекција
Станува збор за хормонална инјекција којашто штити од бременост 3 месеци. За типичната двојка, таа функционира подобро од контрацептивните апчиња. Во една година само 3 отсто од жените што користат контрацептивна инјекција забременуваат.
Предности: Се става околу 4 пати годишно и е многу ефикасен метод на контрацепција.
Недостатоци: Не заштитува од сексуално преносливи болести и може да предизвика одредени несакани ефекти, меѓу кои нерегуларности кај менструалниот циклус.
Контрацептивни таблети
Контрацептивните таблети содржат два хормони – естрогенот и прогестинот кои ја спречуваат овулацијата. Овој метод на контрацепција е многу ефикасен доколку апчињата се земаат редовно и правилно. Околу 8 отсто од типичните корисници забремениле. Ќе ви треба рецепт за тоа.
Предности: Апчињата може да влијаат позитивно на менструалниот циклус, односно, да ги намалат болките и грчевите.
Недостатоци: Контрацептивните апчиња не штитат од сексуално преносливи болести. Може да предизвикаат осетливост на градите, згрутчување на крвта и покачен крвен притисок. Некои жени не треба да го користат овој метод поради здравствени ризици.
Итна контрацепција
Методот на итна контрацепција се практикуваа непосредно по сексот за да помогне да се избегне бременоста. Овој метод се користи во случаите кога двојката воопшто не користела друг тип на контрацепција или доколку се посомнева на оштетување на контрацепцијата (паѓање или кинење на кондомот). Итната контрацепција е во форма на апче коешто може да се испие во рок од 72 часа по сексуалниот одност, но се препорачува да се испие што е можно порано.
Природен метод на контрацепција
Природниот метод на контрацепција подразбира некористење на никакви средства за заштита од несакана бременост, туку водење на постојана евиденција на плодните и непплодните денови.
Предности: Овој метод нема никакви несакани ефекти врз плодноста.
Недостатоци: Не штити од сексуално преносливи болести и нуди помал степен на заштита од било кој друг контрацептивен метод.
