shto-e-ona-shto-mozhe-da-vlijae-na-zabremenuvanjeto-kaj-zhenata_image
Споделете со пријателите!

Што е она што може да влијае на плодноста кај мажите и жените, како и во процесот на забременување?
Една студија покажала дека кај жените со прекумерна тежина е потребно двапати подолго време за забременување од оние со нормална телесна тежина. Друга студија покажала дека доколку мажите го намалат внесувањето на алкохолот и пушењето на цигари, како и практикуваат добра исхрана може да ја подобрат својата плодност. Што друго треба да знаете за да ги подобрите вашите шанси за забременување?

За месечниот циклус

„Најдобрата шанса за забременување е кога половиот однос се случува 1-2 дена пред овулацијата“

Кога внимателно го следите сопствениот менструален циклус, ги подобрувате вашите шанси за забременување. Првата фаза на месечниот циклус започнува со првиот ден на крварење во текот на вашиот период. Вашето тело ослободува хормони, како фоликуло-стимулирачки хормон, кои овозможуваат јајцата внатре во вашите јајници да растат. Помеѓу вториот и четиринаесетиот ден, овие хормони исто така помагаат да се згусне поставата на матката за да се подготви за оплоденото јајце. Ова се нарекува фоликуларна фаза.

За овулацијата

Просечниот менструален циклус трае помеѓу 28-35 дена. Овулацијата обично се случува помеѓу деновите 11 и 21 од вашиот циклус. Хормонот наречен лутеинизирачки хормон се лачи, предизвикувајќи ослободување на јајце клетката којашто е најзрела. Истовремено, вашата цервикална лизгава течност и помогне на сперматозоидите да стигнат до јајце клетката.

За плодните денови

Генерално најдобрата шанса за забременување е кога половиот однос се случува 1-2 дена пред овулацијата. Ако имате редовен циклус од 28 дена, пресметајте 14 дена наназад од денот кога очекувате да започне следниот период. Планирајте да имате однос секој втор ден во текот на тој период. Имајте на ум дека секој менструален циклус е различен и затоа е потребно прецизно да пресметате кои се вашите плодни денови во месецот.

Прочитајте:  Воспалени непца за време на бременоста

За телесната тежина

„Дебелината, може да предизвика неплодност и низок тестостерон кај мажите“

Доколку имате прекумерна тежина, губењето на тежината може да ги зголеми шансите за забременување. Намалувањето на од 5% -10% може да ја подобри стапката на овулација и бременост. Дебелината, исто така, може да предизвика неплодност и низок тестостерон кај мажите.

За возраста кај жените

Плодноста се намалува со возраста, особено по средината на 30-те години. Исто така, возраста може да влијае и да ги намали шансите за успех на третманите за плодност кај постарите жени. Експертите велат дека треба да разговарате со вашиот доктор доколку имате помалку од 35 години и се обидувате да забремените повеќе од 12 месеци или доколку имате повеќе од 35 години и се обидувате да забремените повеќе од 6 месеци.

За возраста кај мажите

Истражувањата покажуваат дека бројот на сперматозоиди и движењето на спермата, како и сексуалната функција кај мажите се намалуваат со текот на годините. Оттука, доколку вашиот партнер е постар и забележите потешкотии консултирајте се со вашиот доктор за начините за зголемување на вашите шанси за забременување.


Споделете со пријателите!