nov-kondom-tenok-kolku-vlakno_image
Споделете со пријателите!

Научниците од Австралија го создадоа најтенкиот латекс кондом кој во својот состав содржи влакна од трева
Влакна од австралиската трева наречена спинифекс – spinifex, се употребени за да се подобри латексот од кој се прават кондоми тенки колку човечко влакно, без да се изгуби од издржливоста на материјалот. Оваа иновација е одлична вест за повеќето мажи кои сметаат дека користењето на презерватив го намалува доживувањето, односно задоволството при сексуален однос.

Целта на овој кондом е да го направи безбедниот секс најдобро доживување.

Научниците од Институтот за биоинженеринг и нанотехнологија од Универзитетот во Квинсленд, Австралија, по пат на извлекување на наноцелулоза од австралиската трева и нејзина употреба како додаток на латексот, го пронајдоа решението за најтенкиот кондом, кој воедно е пофлексибилен и поиздржлив од стандардниот латекс кондом.

Дебелината на стандардните кондоми изнесува од 0,049 до 0,121 милиметри, а австралиските истражувачи се надеваат дека со овој кондом од трева, кондомот ќе биде за околу 30 проценти потенок, а воедно ќе ги задржи и сите стандарди за квалитет и безбедност.

nov-kondom-tenok-kolku-vlakno_image1Користењето на нанотехнологијата за производство на латекс кондоми може да доведе до евентуално намалување на цените на презервативите. Наноцелулозата од тревата ќе доведе до помала употреба на латексот, што значи дека ќе се намалат трошоците за материјал. Ова ќе биде поволно за производителите и за потрошувачите, бидејќи ќе се намалат и цените на презервативите.

Производството на ваков кондом, исто така, ќе направи и разлика во борбата со сексуално преносливите инфекции. Тенкоста на материјалот, пониската цена и поголемата достапност, се значајни фактори кои ќе ја поттикнат и зголемат употребата на кондоми и со тоа ќе спречат потенцијално ширење на ХИВ.

Прочитајте:  Овогодишниот „Мовембер“ со акцент на психичкото здравје кај мажите

Што се однесува за употребата на презервативи, едно истражување докажува дека користењето на кондоми при сексуален однос се намалува со возраста, и оние над 40 години имаат најголема аверзија кон кондоми. Повеќе од 90 проценти на мажи над 50 години, изјавиле дека не користеле кондом при последниот сексуален однос.

Употребата на нанотехнологијата за производство на кондоми го зголемува сексуалното доживување како за мажите, така и за жените заради тенкиот, флексибилен и издржлив материјал на кондомите. Во иднина, се предвидува дека нанотехнологијата ќе ја зголеми употребата на кондоми, овозможувајќи квалитетен и безбеден секс.


Споделете со пријателите!