koi-vitamini-minerali-mu-se-potrebni-na-organizmot-tekot-na-stareenjeto_image
Споделете со пријателите!

Некои истражувања откриле дека постои поврзаност помеѓу високите нивоа на витаминто Б6 во крвта и добрата меморија кај постарите лица.

Калциум

Со текот на стареењето човекот губи многу повеќе калциум отколку што апсорбира. Недостатокот на овој минерал може да ги направи коските леснокршливи – состојба позната како остеопороза, којашто е честа кај жените во периодот после менопаузата. Калциумот им помага на мускулите, нервите, клетките и крвните садови да работат добро. Жените над 50 години и мажите над 70 години треба да внесуваат калциум околу 20 отсто повеќе од другите возрасни. Млекото, јогуртот и сирењето се добри извори на овој минерал.

Витамин Б12

Овој витамин помага во формирањето и одржувањето на здравјето на црвените крвни клетки и нервните клетки. По природен пат, витаминот Б12 може да се внесе преку животинска храна како месо, риба, јајца и млечни производи. Дури 30 отсто од луѓето над 50 годишна возраст имаат состојба наречена атрофичен гастритис што го отежнува процесот на апсорбирање на овој витамин од храната. Затоа многумина го внесуваат витаминот Б12 и преку храна којашто е дополнително збогатена со витаминот или преку таблети коишто се земени по консултација со лекар.

Витамин Д

„Витаминот Д заедно со калциумот се клучот за спречување на остеопорозата.“

Витаминот Д му помага на телото во апсорбцијата на калциумот и негово складирање во коските. Овој витамин заедно со калциумот се клучот за спречување на остеопорозата. Витаминот Д, исто така, им помага на мускулите, нервите и имунолошкиот систем да работат добро. Повеќето луѓе го добиваат витаминот Д од сончевата светлина, но како со текот на стареењето телото е сè помалку способно да ги претвора сончевите зраци во витаминот Д. Овој витамин е потешко да се добие преку исхраната, но масната риба, како лососот, е добар извор.

Прочитајте:  Влијанието на климатските промени врз нашето здравје

Витамин Б6

Витаминот Б6 помага во борба против бактериите и за создавање енергија. Со текот на стареењето, витаминот Б6 станува сè попотребен. Некои истражувања откриле дека постои поврзаност помеѓу високите нивоа на витаминто Б6 во крвта и добрата меморија кај постарите лица. Но, важно е да се напомене дека витаминот не ги подобрува менталните способности кај луѓето со деменција.

Магнезиум

Магнезиумот помага во синтезата и метаболизмот на протеините, го одржува здравјето на коските и го одржува шеќерот во крвта на стабилно ниво. Здрави извори на магнеиум се оревите, семињата и зелениот зеленчук.

Омега-3

Омега 3 масните киселини се сметаат за есенцијални бидејќи телото не може да ги произведе. Тие се важни за здравјето на очите, мозокот и сперматозоидите. Тие, исто така, може да помогнат во заштитата од болести коишто се многу чести кај постарите лица, како Алцхајмерова болест, артритис и макуларна дегенерација, што може да предизвика слепило. Помеѓу изворите на омега-3 масните киселини се риба, ореви, или ленено семе.

Селен

Селенот е минерал којшто ги штити клетките од оштетување и инфекции и ја одржува правилната работа на тироидната жлезда. Селенот, исто така, го одржува здравјео и силата кај мускулите, но може и да помогне во спречувањето на болести поврзани со староста, како деменција, некои видови на рак и болести на тироидната жлезда. Сепак, со внесувањето на селенот треба да се внимава, бидејќи преголеми количества селен може да предизвика опаѓање на косата и кршливост на ноктите.


Споделете со пријателите!