Кога е зготвена, палентата обезбедува околу 70 калории на 100 грама.
Пaлентата е јадење со италијанско потекло коешто се приготвува од пченкарно брашно. Таа традиционално се служела како прилог за многу јадења во Италија, но денеска се јаде во многу делови од светот, вклучувајќи и другите земји на територијата на Европа, како и во САД и Северна Африка.
И покрај тоа што најпрво започнува да се користи како храна на селаните, со текот на времето пaлентата започнува да се служи во многу ресторани на многу различни начини со што таа постанува храна којашто зад себе носи голема историја и традиција од многу култури во Европа, Северна Африка и САД.
Пaлентата се прави од пченка. Всушност, пченката се меле за да се добие пченкарно брашно од коешто се приготвува пaлентата. Во зависност од типот на мелникот, пченкарното брашно може да биде крупно или ситно. Традиционалниот метод за правење на пaлента вклучува варење во тенџере во вода, млеко или супа околу 40 до 50 минути. Обично, соодносот за приготвувањето на палентата е 4 чаши течност со 1 чаша пченкарно брашно.
Придобивки од пaлентата
Одредени видови на пaлента се збогатени со минерали и витамини за да се зголеми нејзината хранлива вредност. Приготвувањето на палента со млеко, наместо со вода, исто така, може да ја зголеми вредноста на хранливи материи.
Зошто пaлентата е добар избор на храна?
Содржи влакна и протеини
Пaлентата содржи и протеини и влакна. Влакнaта се важни за правилно функционирање на дигестивниот систем, хранење на здравите цревни бактерии и спречувањето на запек.
Не содржи глутен
Многу извори на влакна, како што се пченицата, кускусот и ‘ржот содржат глутен. Оттука, за оние што консумираат храна без глутен, пaлентата е добра опција бидејќи не содржи глутен. Пaлентата обично е безбедна за консумација од страна на луѓе со целијачна болест или чувствителност на глутен.
Содржи сложени јаглехидрати
Едноставните јаглехидрати брзо се распаѓаат и може да предизвикаат зголемување на нивото на шеќер во крвта. Исто така, едноставните јаглехидрати не содржат многу хранливи материи. Примери на храна што содржи едноставни јаглехидрати се тортите, колачињата и белиот леб. Сложените јаглехидрати, пак, што се содржани во пaлентата, полека се распаѓаат, што значи дека им е потребно подолго време за да се сварат. Токму овој процес може да ја одржи стабилноста на нивото на шеќер во крвта.
Содржи витамин А
Иако не содржи големи количини на витамини и минерали, пaлентата содржи некои витамин од групата А. Според Националниот институт за здравје, витаминот А е неопходен за правилно функционирање на бубрезите, белите дробови и срцето.
Содржи каротеноиди
Пaлентата се добива од мелена пченка, што е добар извор на каротеноиди. Се верува дека каротеноидите го намалуваат ризикот од одредени болести, како што се некои видови на очни болести и некои видови на рак.
Содржи ниско ниво на масти
Пaлентата содржи ниско ниво на масти и, оттука, може да се смета како дел од здравата исхрана. Оние коишто сакаат да го намалат внесот на заситени масти, треба да ја приготвуваат пaлентата со вода, растително млеко или супа, наместо со полномасно млеко, како и да избегнуваат додавање на сирење или путер.
Содржи основни минерали
Железото, магнезиумот и цинкот се основните минерали што се важни за одржување на доброто здравје. Иако пaлентата обезбедува помала количина од овие минерали, тие сепак се вбројуваат во многуте придобивки што ги има палентата.
Содржи ниско ниво на калории
Пaлентата е нискокалорична, слично на другите цели зрна што се готват во течност. Кога е зготвена, палентата обезбедува околу 70 калории на 100 грама. Ова ја прави добар избор на храна за оние кои сакаат да го намалат вишокот килограми или да ја одржат својата тежина на нормално ниво.
