kolku-e-vazhno-zhelezoto-za-vasheto-dete_image
Споделете со пријателите!

Дефицитот на железо може да влијае на растот и може да доведе до проблеми во учењето и однесувањето.
Знаеме дека црвените крвни зрнца го пренесуваат кислородот до ткивата и органите на телото. Железото дава сила на хемоглобинот да се врзува со кислородот во крвта, за кислородот да стигне каде што треба.

Без доволно железо, телото не може да создаде хемоглобин и прави помалку црвени крвни клетки. Ова значи дека ткивата и органите нема да го добијат потребното количество кислород што им треба. Луѓето можат да се снабдат со железо со јадење храна како месо и темно зелен зеленчук.

Колку железо им е потребно на децата?

Во зависност од нивната возраст, на децата им се потребни различни количества железо:

  • Доенчињата вообичаено добиваат доволно железо од нивните мајки до 4-6 месеци. На доенчињата кои немаат доволно железо треба да им се дадат капки од железо припишани од нивниот доктор;
  • Доенчињата на возраст од 7-12 месеци имаат потреба од 11 милиграми железо на ден;
  • Малите деца на возраст од 1-3 години имаат потреба од 7 милиграми железо секој ден. На децата на возраст од 4-8 години им требаат 10 милиграми, додека постарите деца на возраст од 9-13 години имаат потреба од 8 милиграми;
  • Адолесцентните момчиња треба да внесуваат околу 11 милиграми железо на ден, а адолесцентните девојки околу 15 милиграми. Адолесценцијата е време на брз раст и развој, а девојките имаат потреба од дополнително железо за да го заменат она што го губат месечно за време на менструалниот циклус;
  • Младите спортисти кои редовно вежбаат имаат тенденција да изгубат повеќе железо и може да имаат потреба од дополнително железо во нивната исхрана. Оние што се вегетаријанци, исто така, може да имаат потреба од дополнително железо.
Прочитајте:  Значење на пробиотиците за креирање на имунитетот кај најмладите

Што значи недостаток на железо?

Дефицит на железо е кога телото на едно лице нема доволно железо. Тоа може да биде проблем за некои деца, особено децата и тинејџерите, како и девојките што имаат обилни ментруации. Всушност, многу од тинејџерките се изложени на ризик за дефицит на железо, дури и ако имаат нормални менструални периоди. Ова може да се случи доколку нивната исхрана не содржи доволно железо за да се надомести загубата на железо за време на менструалниот циклус.

По 12-годишна возраст, децата се изложени на ризик за дефицит на железо затоа што веќе не пијат формула за зајакнување на железоте и, можеби, не јадат доволно храна која содржи железо за да ја надоместат разликата.

Дефицитот на железо може да влијае на растот и може да доведе до проблеми во учењето и однесувањето. Ако недостатокот на железо не е регулиран, може да доведе до анемија со дефицит на железо (намалување на бројот на црвени крвни клетки во телото).

Железото во секојдневната исхрана

Научете го вашето дете дека железото е важен дел од исхраната. Храната богата со железо вклучува:

  • говедско месо, свинско и морска храна;
  • сушени грав и грашок;
  • сушено овошје;
  • темно зелен зеленчук;
  • житарки, леб и тестенини.

Железото од животински извори полесно се апсорбира отколку железото од растителни извори.

За да бидете сигурни дека децата добиваат доволно железо, исто така:

  • Ограничете ја количината на млеко кое го пијат на околу 473-710 милилитри дневно;
  • Давајте му на детето храна богата со железо заедно со храна која содржи витамин Ц, домати, брокули, портокали и јагоди. Витаминот Ц го подобрува начинот на кој телото го апсорбира железото;
  • Исклучете го кафето или чајот во оброкот бидејќи содржат танин кој го намалува апсорбирањето на железото.

Споделете со пријателите!