rastvorlivi-rastitelni-vlakna-od-pchenka-za-pozdravi-koski_image
Споделете со пријателите!

Додатоците во исхраната од растворливи растителни влакна од пченка што се консумираат на дневна основа, можат значително да помогнат во изградбата на калциумот
Растворливите растителни влакна од пченка може да го подобрат здравјето на коските кај жените, вели едно ново истражување. Тоа откри дека растворливите влакна од пченка (Soluble corn fiber – SCF) претставуваат недигестивен јаглехидрат што се користи во многу прехранбени продукти и пијалаци како што се: житарките, многу пекарски производи, бонбони, млечни продукти, замрзнати производи, газирани пијалаци и води со вкусови.

„Растителните влакна од пченка имаат пребиотски својства и го поддржуваат здравјето на коските“

Овој вид на растителни влакна помага да се создадат пакувани прехранбени производи коишто имаат пониски нивоа на шеќери, а истовремено претставуваат вреден извор на диетални влакна. Наодите од студијата врз жените во периодот после менопауза се објавени во зборникот American Journal of Clinical Nutrition, додека наодите од студијата спроведена врз тинејџерките се објавени во зборникот Journal of Nutrition.

Влакната од пченката претставуваат пребиотик – несварлива состојка во храната што го поттикнува порастот на корисните микроорганизми во цревата.

Доказите од истражувањето финансирано од страна на Tate & Lyle Ingredients America LLC сугерираат дека SCF има многу од истите здравствени придобивки поврзани со диеталните влакна што ги има во мешункастите и зрнести плодови, зеленчукот и овошјето. Растителните влакна од пченка можат да ја подобрат цревната регуларност и имаат пребиотски својства, а исто така ја одржува здравата контрола на гликозата во крвта и го поддржува здравјето на коските затоа што ја зголемува апсорпцијата на калциум во организмот. Она што е интересно за растителните влакна од пченка е дека откако пребиотските влакна ќе поминат низ стомакот кон микробите од долниот дел од дигестивниот тракт, тие се раситнуваат во кратки синџири на масни киселини, коишто помагаат во одржувањето на здравјето на коските. Фирмата што го спонзорира истражувањето го произведува Promitor Dietary Fiber – растворлив пребиотик од влакната на пченката што се продава и под името „maltodextrin“.

Малкумина ги постигнуваат дневните препорачани количества од 1 200 милиграми калциум за здрава коскена маса.

Дневната препорачана доза на внес на растителни влакна за возрасни во САД е 25 грама за жените и 38 грама за мажи. Како и да е, повеќето Американци консумираат околу половина од препорачаниот дневен внес. Храната збогатена со растителни влакна помага да се премости недостатокот на влакна во исхраната без значително зголемување на количеството на калории.
rastvorlivi-rastitelni-vlakna-od-pchenka-za-pozdravi-koski_image1

Прочитајте:  Еве под кои имиња е скриено палминото масло во производите

„Ние разгледуваме подлабоко во стомакот за да изградиме здрави коски кај девојките и за да им помогнеме на постарите жени да одржат јаки коски за време на возраста кога тие се подложни кон фрактури. Растворливите влакна од пченката, пребиотик, му помагаат на телото подобро да го користи калциумот во текот на двата периоди адолесценцијата и постменопаузата. Микробиомот во стомакот е новата граница во здравството“ – истакна авторот на студијата професорот д-р Кони Вивер (Connie Weaver).

„Кај двете групи имало зголемување на апсорпцијата на калциум за 12%“

Во студијата спроведена врз жени во постменопауза, 14 здрави испитанички консумирале 10 грами, 20 грами и воопшто од SCF секој ден во времетраење од 50 дена. Жените кои користеле дози од 10 и 20 грама влакна што може да се најдат во форма на суплементи, покажале подобрување во задржувањето на калциумот во коските од 4,8 до 7%.

Студијата пак, спроведена врз адолесцентните жени од 28 испитанички на возраст од 11-14 години, ги консумирале истите количества на SCF како и постарите жени со таа разлика што влакната биле консумирани 4 недели заедно со вообичаената диета. Кај девојките од двете групи забележано е зголемување на апсорпцијата на калциум за околу 12%, што може да го изгради нивниот скелет за 1,8% повеќе годишно.

Гастроинтеститалните симптоми биле минимални во двете студии, а истите биле забележани и во контролните групи.

„Повеќето студии што ги разгледуваат придобивките од растворливите влакна на пченката, се обидуваат да ги решат дигестивните проблеми и ние сме први за да одредиме дека оваа поврзаност на хранење на одреден вид на влакна може да влијае врз микробиомот во стомакот на начини што можат да го подобрат здравјето.

Откривме дека овој пребиотик може да им помогне на здравите луѓе да ги користат минералите подобро за да го подобрат здравјето на коските“ – истакна д-р Вивер.

Вивер исто така вели дека иако SCF може да им помогне на луѓето подобро да го апсорбираат калциумот, овие наоди не значат дека не треба да се внесуваат препорачаните дневни дози на калциум (млеко) и добро избалансирана диета. Сепак, растителните влакна од пченката може да им помогнат на одредени личности што не консумираат доволно млечни продукти. Понатамошните студии од страна на тимот ќе ги истражат механизмите зад тоа како SCF ја поттикнува апсорпцијата на калциум и задржување на овој минерал и дали овие пребиотски влакна му користат на телото на други начини.


Споделете со пријателите!