kako-najdobro-da-odoleeme-na-prvomajska-trpeza_image
Споделете со пријателите!

Сега можете да ја оставите рамнодушноста на страна, сега можете да успеете
Првомајските празници се веќе на прагот, а тоа е време кога ние сме најчесто во кругот на пријателите, на пикник и во природа.

Најголем синоним за Празникот на трудот е несомнено, скарата. Да се соочиме со тоа – сите знаеме дека семејните оброци, и обединувањето во тоа време значи дека ќе имаме можност што повеќе да јадеме. Првомајските празници не можат да бидат целосни без присуство на огромно количество на храна – тоа е едноставно нешто без кое не се може! Сигурно сте затекнале себеси како љубопитно посегнувате по некое неодоливо парче храна. Едноставно не можете да одолеете, бидејќи вие сте постојано опкружени со примамлива храна.

Таму лежи предизвикот – како успешно да ја надминеме замката на прејадувањето?

Прејадувањето и последователното зголемување на телесната тежина во ова време од годината е разбирливо, но тука е нешто да се спречи и победи овој континуиран тренд. Особено е важно затоа што здравствениот проблем не е само во вишокот килограми, туку исто така и појавата на дијабетес, зголемен ризик од кардиоваскуларни заболувања, висок крвен притисок, висок холестерол во крвта, високо ниво на триглицериди.

Прејадувањето може да ни претставува особено голем проблем. Една неодамнешна студија во New England Journal of Medicine открила дека вишокот килограми стекнати за време на празниците може да перзистираат поголем дел од годината. Но каде е клучот? Како да се спречи акумулација на вишокот масни наслаги?

Клучот лежи во степенот на нашата САМОКОНТРОЛА!

Постојат начини да уживате во празниците и истовремено да бидете здрави, вели Ерин Морс, главен клинички диететичар во Медицинскиот центар на UCLА Ronald Regan.

„Успорете го темпото и внесот на храна, фокусирајте се на уживање!“

Главното нешто што сакам да му го препорачам на луѓето е да обрнат внимание и да јадат умерено. Целта на умереното јадење е навистина да се успори темпото и внесот на храна, фокусирајќи го своето внимание само на она што го јадете користејќи ги сите ваши сетила за да уживате во храната што ја јадете.

Колку и тоа да се чини невозможно, понекогаш, можеме да избереме да јадеме добро колку и да сме е опкружени со нездрави избори. Бидете вие еден од ретките што ќе донесат нешто здраво. Дури и да сте единствениот, барем ќе знаете дека има едно нешто што можете да го додадете на богатата трпеза а воедно да се задржите на вистинскиот пат и успешно да го превенирате вишокот на килограми во овие критични денови.

Прочитајте:  „Вегануари“ - јануари посветен на веганството 

Еве неколку правила за одржување на вашиот степен на само контрола

Често се случува луѓето да почнат да се изгладнуваат рано во денот знаејќи дека подоцна ќе ги чека чинија полна со храна. Со редукцијата на храна во раните утрински часови и прескокнување на есенцијалниот оброк, подоцна во текот на денот може многу полесно да се дојде до состојба на прејадување.

Прескокнувањето на појадокот врз нашето здравје е во директна корелација со зголемувањето на ризикот за прекумерна тежина.

Немојте да се ставите во позиција на искушение, веќе почнете да користите помали чинии додека јадете. Секогаш кога е можно, намерно одберете помала чинија за да внесете онолку колку што вам ви е потребно. На мозокот му се потребни 20 минути за да сигнализира дека е сит.

Рехидрирајте се!

Посегнете по чаша вода – не само што ќе ви помогне во варењето, туку некогаш тоа е се што ви е потребно за да се почуствувате целосно сити. Центарите за глад и за жед во организмот се наоѓаат многу блиску, во хипоталамусот, па понекогаш ќе бидеме измамени дека сме гладни а всушност чувствуваме само жед!

Редуцирајте!

Започнете од зголемениот внес на алкохолни пијалаци. Особено внимавајте, бидејќи алкохолот дефинитивно може да биде поголем проблем во ова време од годината – иако е неминовен факт за време на овие празници. Не толку видот, колку што е важна количината на алкохол што се консумира, бидејќи кога пиењето оди подалеку од умерено, тоа е може подоцна да биде поврзано со оштетување на црниот дроб, како и на срцето со зголемен ризик за кардиоваскуларни болести.

Сепак, можете да се чувствувате задоволни и да уживате во храната што ја избирате!

Но, што е со вежбањето за време на овие празници? Не, празниците не значат апсолутно дека треба да престанете да вежбате. Здравата исхрана и добрата рутинска вежба мора да се комбинираат една со друга.

Одлично време да продолжите со рутината за вежбање е за време на празниците!

Запомнете!

  • ПОМАЛКУ Е ПОВЕЌЕ! – Одлучете се за помалку масна храна, а повеќе зеленчукови салати или салати од свеж зеленчук во вашите првомајски празнични мигови.
  • Хидрираноста е клучот за време на овие топли денови.
  • Умереноста во јадењето и пиењето се сметаат како најважни навики за здрав живот и долговечност.
  • Уживајте повеќе во природата, покрај вода и свежи воздух наместо да седите само под сенка и да бидете неактивни.

Среќни Првомајски празници и умерена со јадењето ви посакува тимот на PharmaNEWS!


Споделете со пријателите!